„ლიმონათი ბორჯომისგან“ ლონდონში გამართულ საერთაშორისო დაჯილდოება - Zenith Global's Annual InnoBev Awards-ზე საუკეთესო პრემიალურ სასმელად დასახელდა, ასევე გაიმარჯვა პროდუქტის მარკეტინგულმა კამპანიამ.              Zenith Global's Annual InnoBev Awards ყოველწლიურად ტარდება და სასმელების ინდუსტრიის მსოფლიო ბრენდებს სხვადასხვა კრიტერიუმით აფასებს. დაჯილდოებას წელს დიდი ბრიტანეთის დედაქალაქმა უმასპინძლა. 18 კატეგორიის 4 ნომინაცია მოიცავს ინოვაციის, მარკეტინგის, ტექნოლოგიებისა და შეფუთვის მიმართულებებს.  საერთაშორისო ჟიურიმ 182 მონაწილესა და 37 ფინალისტს შორის, „ლიმონათი ბორჯომისგან“ ოთხ ნომინაციაში ფინალისტად, ხოლო ორი ნომინაციის გამარჯვებულად დაასახელა.  -       საუკეთესო პრემიალური სასმელი - გამარჯვებული -       საუკეთესო მარკეტინგული/სოციალური მედია კამპანია - გამარჯვებული -       საუკეთესო შეფუთვის დიზაინი - ფინალისტი -       ბრენდის საუკეთესო განვითარება - ფინალისტი    საამაყო და მნიშვნელოვანია, „ბორჯომის“ წარმატება საერთაშორისო დაჯილდოებაზე, რომლის მონაწილეებიც და გამარჯვებულებიც სხვადასხვა წლებში იყვნენ ისეთი დიდი კომპანიები, როგორიცაა - Coca-Cola, PepsiCo, Nestle, Danone. „ბორჯომი“ პრემიუმ ლიმონათების ასორტიმენტით, ტკბილი გაზიანი სასმელების კატეგორიაში იანვრიდან შევიდა. „ლიმონათი ბორჯომისგან“ ინოვაციური პროდუქტია, რომელიც  დამზადებულია „ბორჯომის“ მინერალური წყლით და ქართული ნატურალური ხილის წვენით. ბრენდის საკომუნიკაციო კამპანია უკვე დაიწყო. ვიდეორგოლის გვიყვება ამბავს, თუ როგორ იქცა ლეგენდა რეალობად და როგორ შექმნა გამომგონებელმა ნატურალური ხილით და „ბორჯომის“ მინერალური წყლით განუმეორებელი გემო - „ლიმონათი ბორჯომისგან“.  

სიტყვა ინტერვიუ ფრანგული entrevue-დან მოდის, ითარგმნება როგორც „ერთმანეთის დანახვა.“ მართლაც, კარგი ინტერვიუს შეუძლია ადამიანი დაგანახოს, ადამიანის დანახვას კი თითქმის ყოველთვის მოსდევს სიყვარული და ცნობიერების გაფართოვება.  კარგ ინტერვიუს შეუძლია საკუთარ თავში დამალული განძი აღმოგაჩენინოს და რწმენის ნახტომი გაგაკეთებინოს.  შინაგან განძს თითოეული ჩვენგანი ვატარებთ, არც ვინსენ პერესია გამონაკლისი. მოვლენების მისეული აღქმა და განცდა, ძალიან შთამბეჭდავია.  ინტერვიუდან მიხვდებით, რომ ჩვენ წინ ერთი უბრალო მსახიობი კი არა, ნამდვილი ფილოსოფოსი ზის.  ვინსენ პერესი შვეიცარიელი მსახიობი და რეჟისორია, უთამაშია ისეთ დიდ მსახიობებთან ერთად, როგორებიც არიან:  კატრინ დენევი, იზაბელ აჯანი, კიმ ბესინჯერი, ჟერარ დეპარდიე, მაყურებლის უმრავლესობას „ფანფან ტიტას“ როლიდან ემახსოვრება, სადაც კამპანიონობას, არც მეტი არც ნაკლები, თავად სოფი მარსო უწევს. ვინსენ პერესი საქართველოს „ბორჯომის" რეკლამაში გადასაღებად ეწვია, ამჟამად მისი პარტნიორი, ჩამოთვლილი ვარსკვლავებზე არანაკლები, თინა დალაქიშვილი იყო, რომელიც ვინსენს „ბორჯომის" ჯადოსნურ ამბავს უყვება. ეს რომ უბრალოდ რეკლამა არ იყო, ამას თავადაც აღნიშნავს:  „აქ რეკლამისთვის ჩამოვედი, მაგრამ ეს რეკლამა საქართველოს ღრმა ფესვებამდე ჩადის.“ ადამიანს რამდენადაც შეუძლია ღრმად დაინახოს საკუთარი თავი, ზუსტად იმ სიღრმეზე ხედავს გარე სამყაროსაც. ვინსენ პერესი ზუსტად ასეთია.   „როცა არის საზრისი ეს მე მეხება.“   შთაბეჭდილება ანსამბლ რუსთავის კონცერტმა მოახდინა: „ამ მოცეკვავეების ძალა ჯერ კიდევ ჩემშია და მინდა დიდხანს დარჩეს“   ...  „ცრემლები მომდიოდა, იმდენად ნამდვილი იყო.“ ზოგჯერ, შენი ქვეყნის შესახებ შენი სტუმრებისგან უფრო მეტს გაიგებ. სტუმარი გვაჩვენებს იმას, რაც ღირებულია, იმას, რასაც თვალისჩინივით უნდა მოვუფრთხილდეთ, იმას რაც შენია და შენს მიღმა დეფიციტშია. ვინსენ პერესი საამისო მინიშნებასაც გვაძლევს: „აქ ვგრძნობ რაღაც ნამდვილს, რაც თავს ძალიან კარგად მაგრძნობინებს, ეს წყალივითაა, გჭირდება რომ აგავსოს და ამიტომაც მიყვარს აქ ჩამოსვლა, მნიშვნელოვანია, რომ საკუთარ ფესვებთან კავშირი შეინარჩუნო, ბევრ ქვეყანაში ეს იკარგება და დიდ ქვეყნებს ემსგავსებიან.“  მალე საქართველოში მეგობრების ჩამოყვანასაც აპირებს და არც ის არის გამორიცხული, რომ გადასაღებ მოედნადაც გამოიყენოს აქაურობა. განსაკუთრებით სვეტიცხოველი მოეწონა, არა მხოლოდ არქიტექტურა, არამედ მისი ძალაც. იცის, ხედავს, განიცდის.  ალბათ ასეთი უნდა იყოს ნამდვილი შემოქმედი, სრულად შემოუშვას ცხოვრება, თავის თავში გაატაროს და ახალი ფორმა შესძინოს. ეს ბრძოლას გავს, როცა უამრავი დაბრკოლების გადალახვა გიწევს, სანამ ახალ ნაყოფს დაბადებ, ამ ბრძოლაზე თავად ვინსენიც საუბრობს.   ეს ინტერვიუ შთაგონების წყარო გახდება უამრავი შემოქმედის, მსახიობისა და რეჟისორისთვის.  ვინსენ პერესი ნამდვილი ძენი ოსტატია, თუ რატომ, ამას ინტერვიუში ნახავთ. 

„ბორჯომის" სამყაროში, სადაც გემო, ისტორია და ბუნება ერთმანეთს ერწყმის, შეიქმნა სრულად ახალი და გამორჩეული პროდუქტი - „ლიმონათი ბორჯომისგან"! ამ პროდუქტის შექმნის იდეა მომხმარებლისთვის ნამდვილი ემოციური თავგადასავალის შეთავაზებაა. ის არ არის უბრალოდ ლიმონათი, მისი მიზანი ჯადოსნურია -  აქციოს ჩვეულებრივი არაჩვეულებრივად და აავსოს ყოველდღიურობა საზეიმო მომენტებით.  ეს უნიკალური გემოსა და მახასიათებლების ტკბილი, გაზიანი სასმელი საქართველოს მდიდარ მემკვიდრეობასა და ბუნების საოცრებებს შორის მოგზაურობის დასაწყებად გიწვევთ. „ბორჯომის" ლიმონათს ოთხი სხვადასხვა გემო აქვს: აჭარული მანდარინი, მსხალი, ტარხუნა, ციტრუსი. თითოეული გემო საქართველოს სიმბოლოების უნიკალური ნაზავია. განვიხილოთ თითოეული მათგანი ცალ-ცალკე: ტარხუნა - ქართული კულინარია წარმოუდგენელია ტარხუნის პიკანტური გემოს გარეშე. ის არაერთ კერძში, სასმელსა თუ ფოლკლორულ ნაწარმოებში გვხვდება. „ბორჯომის" ტარხუნის ლიმონათი არის მაცოცხლებელი წყლის, წვენისა და ტარხუნის ნატურალური ექსტრაქტის ნაზავი, რომელიც ქართული კულინარიული მემკვიდრეობის მნიშვნელოვანი წარმომადგენელია.  ეს არის გემო, რომელიც ერთდროულად ნოსტალგიური და ენერგიის მომცემია.  მსხალი - საქართველოს აყვავებული ბაღებისა და თვალწარმტაცი სოფლების სიმბოლო.  „ბორჯომის" მსხლის ლიმონათი ტკბილი სიმფონიაა, რომელიც მინერალური წყლის გამაგრილებელ გემოს მსხლის სიტკბოსთან აერთიანებს. ეს შუშხუნა ნაზავი ქმნის საოცარ ჰარმონიას და გიტოვებს გემოს, რომელიც საქართველოს ბუნების სიმდიდრესთან ასოცირდება.  ქართული სუფრა წარმოუდგენელია ტარხუნისა და მსხლის ლიმონათების გარეშე. ამ კლასიკურ გემოებთან ერთად, „ბორჯომი" სიახლეს გთავაზობთ - აჭარული მანდარინისა და ციტრუსის ლიმონათებს.  აჭარული მანდარინი - მზის სითბო და ენერგია ერთ ქილაში.  აჭარული მანდარინი „ბორჯომის" ლიმონათების ერთ-ერთი საამაყო პროდუქტია, რადგან მანდარინის წვენით დამზადებული ლიმონათი ქართული ბაზრისთვის ინოვაციურია. ეს გემო აჭარის მზიან ფერდობებზე გამოგზაურებთ და მზის ენერგიით აგავსებთ. ციტრუსი - ციტრუსის ლიმონათი სიახლესა და სიცოცხლეს განასახიერებს. ის როგორც ლიმონის, ასევე ლაიმისა და მანდარინის წვენებს მოიცავს. ყოველი წვეთი არის მოგზაურობა და თავგადასავალი. ეს არის იდეალური გამოცდილება მათთვის, ვინც გამაგრილებელ და ცოცხალ გემოს ეძებს.  „ბორჯომის" ლიმონათი გარდაქმნის ჩვეულებრივს არაჩვეულებრივად. ის აღძრავს სიამოვნებისა და ბედნიერების ემოციებს, ქმნის საზეიმო მომენტებს.  ლიმონათის შეფუთვა შთაგონებულია საქართველოს ისტორიით, პეიზაჟებით, ქართული არქიტექტურისთვის დამახასიათებელი ორნამენტებით, ბორჯომის ხეობით, მინერალური წყლითა და ბრენდის სიმბოლო - ირმის ლეგენდით. ეტიკეტზე ინგლისური ასოებით დატანილია ქართული სიტყვა LIMONATI, რაც ამ სიტყვის საერთაშორისო ასპარეზზე პოპულარიზაციას ემსახურება. ყოველივე ეს ემოციური დეტალი ქმნის ბორჯომის ლიმონათების სამყაროს, რომელიც დაუვიწყარი მომენტებისა და გემოების სამყაროში გვამოგზაურებს.

უკვე ტრადიციად იქცა,  „ბორჯომი" ყოველწლიურად, საკუთარ მომხმარებლებს სპეციალურ, ლიმიტირებულ შეფუთვას სთავაზობს, რომელიც ყოველთვის განსაკუთრებულია.   ამჯერად, ზღაპრული ფერებისა და ფორმების მიღმა, მაცოცხლებელი წყლის ისტორია, მემკვიდრეობა და სიმბოლიკა იმალება.  არცერთი ხაზი და წერტილი შემთხვევითი არ არის, ყველაფერი „ბორჯომის" ხასიათს, წარსულსა და განწყობას გვიყვება.   დიზაინი სამი ძირითადი ილუსტრაციისგან შედგება, ამიტომ მოდი  ვუწოდოთ „ბორჯომის" ტრიპტიქი.  თავი პირველი - სიღრმე  პირველი თავი „ბორჯომის" წარმოშობის ისტორიას გვიამბობს. იქ სადაც უწინ იყო ზღვა, მიწა იძრა, ამოხეთქა ვულკანმა და ამოიზარდნენ მთები.  წყალმა დაბლა  დაიწია და ხმელეთი გადაეფარა. თუმცა, „ბორჯომმა" მიწის ქვეშ ყოფნა დიდ ხანს ვერ მოითმინა, გააპო ვულკანური ქანები, 8000 მეტრი ამოიარა, გზადაგზა 60-ზე მეტი სასიცოცხლო მინერალით გამდიდრდა და მზის შუქზე ამოვიდა, რათა დედამიწის ბინადართათვის კვლავ მიეტანა სიცოცხლე.  თავი მეორე - ჯადოსნური ძალა  ძალიან ძველად, ჯერ კიდევ მაშინ, როდესაც ადამიანები ბუნების ძალებს ადიდებდნენ, ჰქონდათ მიმართვის ტექსტები, სადაც საოცარ ფრაზას ვკითხულობთ „უსასრულო სამყაროში დაუტეველო და უმცირესში დატეულო.“  ტრიპტიქის მეორე სურათი თითქოს სწორედ ამის ილუსტრაციაა, პატარა წყლის წვეთი, რომელიც მთელი სამყაროს ჯადოსნობას იტევს:  მზის სხივებს, მთების სიმტკიცეს, ხეების ერთიანობას და მდინარეების ჩქეფას. თითქოს ყველა ენერგიას საკუთარ თავში აერთიანებს და მაცოცხლებელ ელექსირად გარდაქმნის. ალბათ, ერთხელ მაინც ყველას უგრძვნია მისი ეს ჯადოსნური ძალა.  თავი მესამე - ირემი ირემი, როგორც „ბორჯომის" საკულტო ფიგურა, პირველაღმომჩენი. შემთხვევით არ სწამდათ ძველ ქართველებს, რომ ირმის რქები კოსმოსური არხები იყო ზეციური სიგნალების დასაჭერად.  ირემი განასახიერებდა კავშირს მიწასა და ცას შორის, ამიტომ ირმის სიმბოლოებს მრავლად შეხვდებოდით პრექრისტიანულ საქართველოში. ირემი იყო გზის მაჩვენებელი, რომელიც სინათლისკენ მიუძღვოდა ადამიანებს.  მისი ეს ფუნქცია შეიძლება ითქვას, რომ „ბორჯომის" ლეგენდაშიც ჩანს, რადგან „ბორჯომის" მაცოცხლებელი წყლისკენ მიმავალი გზაც სწორედ ირემმა გაგვიკვალა.  სამივე ილუსტრაციის დიზაინი ერთ სტილშია შესრულებული. არაერთხელ გვითქვამს, რომ „ბორჯომი" ოთხი ფუნდამენტური ელემენტის შესანიშნავი სიმბიოზია:  ვულკანური ცეცხლი, მინერალებით მდიდარი მიწა, ჰაერი და წყალი ხომ თავისთავად.  აღმოსავლური მედიცინის მიხედვით, იმისათვის რომ ადამიანი ჯანმრთელი იყოს, ოთხივე სტიქია ბალანსში უნდა ჰქონდეს, ესაა ჯანმრთელობის ფუნდამენტური პრინციპი.  რადგან ადამიანის სხეულიც სხვა არაფერია თუ არა ამ ოთხი ელემენტის ერთობლიობა, რომელიმე ელემენტის დისბალანსით  ორგანიზმის მთლიანობაც ირღვევა.  ამ შინაგანი ერთიანობის შესანარჩუნებლად ყოველდღიური რუტინა გვჭირდება, ჯანსაღი კვება,  ფიზიკური ვარჯიში, სუფთა ჰაერი, მენტალური და ემოციური ჰიგიენა,  ამ მეტად რთულ გზაზე „ბორჯომის" მაცოცხლებელი წყალი ერთ-ერთი საუკეთესო მეგობარია,  რომელიც ჩვენს ორგანიზმს 60-ზე მეტი მინერალით მოამარაგებს,  თანაც ვულკანური წარმოშობის წყალით, რომელიც მსოფლიოში თითზე ჩამოსათვლელია.  შეფუთვის ილუსტრაციაში მაცოცხლებელი წყლის ეს თვისებებიც ჩანს, აქ ოთხივე სტიქიის ელემენტებია გამოყენებული.   ზოგადად სტიქიების ჰარმონიულ შერწყმას დიდი ოსტატობა სჭირდება, ზოგი სტიქია ერთმანეთს აძლიერებს, ზოგი - კონფლიქტშია, ზოგიც - ნეიტრალური.  სწორედ ასეთი ოსტატური ნამუშევარია „ბორჯომის" სპეციალური შეფუთვა, რომელსაც შეუძლია მინერალური წყლის დალევა ისეთ ჯადოსნურ მოგზაურობად აქციოს, რომელსაც თავად მაცოცხლებელი წყალი გადის.