„ბორჯომის“ ქილის ახალი შეფუთვა საუკეთესო დიზაინად დასახელდა! მინერალური წყალი „ბორჯომი,“ ფრანკფურტში გამართულ საერთაშორისო დაჯილდოება - Zenith Global's Water Drinks Awards-ზე, ქილის შეფუთვაში საუკეთესო სასმელად დასახელდა. 2024 Global Water Drinks Awards-ის ყოველწლიურ დაჯილდოებას ამჯერად გერმანიამ უმასპინძლა. გამარჯვებული კომპანიები, წყლის 21-ე საერთაშორისო კონგრესის გალა საღამოზე დასახელდა. საერთაშორისო ჟიურიმ 120 აპლიკანტიდან, სხვადასხვა ნომინაციაში, 15 გამარჯვებული გამოავლინა, მათ შორის - „ბორჯომის” ქილის ახალი შეფუთვა, რომელიც საქართველოში უახლოეს მომავალში გამოჩნდება. უკვე 30 წელია, რაც Zenith Global, სასმელებისა და საკვების ინდუსტრიაში, პროდუქტებს სხვადასხვა კრიტერიუმით აფასებს და წლის განმავლობაში რამდენიმე დაჯილდოების ფარგლებში, გამარჯვებულებს ავლენს. წელს „ბორჯომი” Zenith Global-ის მესამე ჯილდოს მფლობელი გახდა. საამაყოა „ბორჯომის“ წარმატება ისეთ საერთაშორისო დაჯილდოებაზე, რომლის მონაწილეებიც იყვნენ - Coca-Cola, Danone, Gerolsteiner, Icelandic Glacial Water. შეგახსენებთ, რომ მაისში, ლონდონში გამართულ Zenith Annual Innobev Awards 2024-ზე, „ლიმონათი ბორჯომისგან” 2 კატეგორიის გამარჯვებული გახდა. „ბორჯომის“ ინოვაციურმა პროდუქტმა საუკეთესო პრემიალური სასმელის და საუკეთესო მარკეტინგული/სოციალური მედია კამპანიის ნომინაციაში გაიმარჯვა.

უცვლელი „ბორჯომი“ ახალი შეფუთვით მინერალური წყალი „ბორჯომი” შეფუთვას აახლებს. 135 წლიანი ისტორიის მქონე ბრენდი, განახლებული ვიზუალური იდენტობით, საქართველოსა და საექსპორტო ბაზრებზე, ეტაპობრივად გამოჩნდება.   ახალი ვიზუალური იდენტობა ბრენდის მდიდარი ისტორიითაა შთაგონებული.  განახლებულ შეფუთვაზე გამოკვეთილია „ბორჯომის” მთავარი სიმბოლო - ირემი, ის ბოთლის როგორც წინა, ასევე ეტიკეტის ცენტრალურ მხარესაა განთავსებული. კიდევ უფრო მეტად არის აქცენტირებული, ისტორიის მანძილზე „ბორჯომის” მთავარი კომპოზიცია - ბორჯომის მთები ლოგოტიპთან, ირემთან და ბიუვეტთან ერთად, ოვალის თანამედროვე ვიზუალის გამოსახულებაში გაერთიანდა. ასევე გამოკვეთილია სახელწოდება, რომელიც ქართულ და ინგლისურ ენაზე ეტიკეტის ცენტრალურ ნაწილში გვხვდება. უცვლელი დარჩა „ბორჯომის“ მწვანე ფერის თავსახური. განახლებული შეფუთვა ბრენდის პრემიალურობას კიდევ უფრო მეტად უსვამს ხაზს.  პირველი ქართული მინერალური წყლის, „ბორჯომის“ რედიზაინზე ბრიტანულმა ბრენდინგ სააგენტო Osbornepike-მა იმუშავა. როგორც კომპანიაში აცხადებენ, მნიშვნელოვანი იყო, რომ ახალ შეფუთვას „ბორჯომის“ მემკვიდრეობისთვის და მრავალწლიანი ისტორიისთვის გაესვა ხაზი. ამავდროულად, განახლებული ვიზუალური იდენტობა შესაძლებლობას აძლევს ბრენდს გააფართოვოს  კატეგორიები და  შეინარჩუნოს კავშირი პორტფელში არსებულ პროდუქტებთან, რომლის ნათელი მაგალითიც „ბორჯომის” ლიმონათია.  

„ლიმონათი ბორჯომისგან“ ლონდონში გამართულ საერთაშორისო დაჯილდოება - Zenith Global's Annual InnoBev Awards-ზე საუკეთესო პრემიალურ სასმელად დასახელდა, ასევე გაიმარჯვა პროდუქტის მარკეტინგულმა კამპანიამ.              Zenith Global's Annual InnoBev Awards ყოველწლიურად ტარდება და სასმელების ინდუსტრიის მსოფლიო ბრენდებს სხვადასხვა კრიტერიუმით აფასებს. დაჯილდოებას წელს დიდი ბრიტანეთის დედაქალაქმა უმასპინძლა. 18 კატეგორიის 4 ნომინაცია მოიცავს ინოვაციის, მარკეტინგის, ტექნოლოგიებისა და შეფუთვის მიმართულებებს.  საერთაშორისო ჟიურიმ 182 მონაწილესა და 37 ფინალისტს შორის, „ლიმონათი ბორჯომისგან“ ოთხ ნომინაციაში ფინალისტად, ხოლო ორი ნომინაციის გამარჯვებულად დაასახელა.  -       საუკეთესო პრემიალური სასმელი - გამარჯვებული -       საუკეთესო მარკეტინგული/სოციალური მედია კამპანია - გამარჯვებული -       საუკეთესო შეფუთვის დიზაინი - ფინალისტი -       ბრენდის საუკეთესო განვითარება - ფინალისტი    საამაყო და მნიშვნელოვანია, „ბორჯომის“ წარმატება საერთაშორისო დაჯილდოებაზე, რომლის მონაწილეებიც და გამარჯვებულებიც სხვადასხვა წლებში იყვნენ ისეთი დიდი კომპანიები, როგორიცაა - Coca-Cola, PepsiCo, Nestle, Danone. „ბორჯომი“ პრემიუმ ლიმონათების ასორტიმენტით, ტკბილი გაზიანი სასმელების კატეგორიაში იანვრიდან შევიდა. „ლიმონათი ბორჯომისგან“ ინოვაციური პროდუქტია, რომელიც  დამზადებულია „ბორჯომის“ მინერალური წყლით და ქართული ნატურალური ხილის წვენით. ბრენდის საკომუნიკაციო კამპანია უკვე დაიწყო. ვიდეორგოლის გვიყვება ამბავს, თუ როგორ იქცა ლეგენდა რეალობად და როგორ შექმნა გამომგონებელმა ნატურალური ხილით და „ბორჯომის“ მინერალური წყლით განუმეორებელი გემო - „ლიმონათი ბორჯომისგან“.  

სიტყვა ინტერვიუ ფრანგული entrevue-დან მოდის, ითარგმნება როგორც „ერთმანეთის დანახვა.“ მართლაც, კარგი ინტერვიუს შეუძლია ადამიანი დაგანახოს, ადამიანის დანახვას კი თითქმის ყოველთვის მოსდევს სიყვარული და ცნობიერების გაფართოვება.  კარგ ინტერვიუს შეუძლია საკუთარ თავში დამალული განძი აღმოგაჩენინოს და რწმენის ნახტომი გაგაკეთებინოს.  შინაგან განძს თითოეული ჩვენგანი ვატარებთ, არც ვინსენ პერესია გამონაკლისი. მოვლენების მისეული აღქმა და განცდა, ძალიან შთამბეჭდავია.  ინტერვიუდან მიხვდებით, რომ ჩვენ წინ ერთი უბრალო მსახიობი კი არა, ნამდვილი ფილოსოფოსი ზის.  ვინსენ პერესი შვეიცარიელი მსახიობი და რეჟისორია, უთამაშია ისეთ დიდ მსახიობებთან ერთად, როგორებიც არიან:  კატრინ დენევი, იზაბელ აჯანი, კიმ ბესინჯერი, ჟერარ დეპარდიე, მაყურებლის უმრავლესობას „ფანფან ტიტას“ როლიდან ემახსოვრება, სადაც კამპანიონობას, არც მეტი არც ნაკლები, თავად სოფი მარსო უწევს. ვინსენ პერესი საქართველოს „ბორჯომის" რეკლამაში გადასაღებად ეწვია, ამჟამად მისი პარტნიორი, ჩამოთვლილი ვარსკვლავებზე არანაკლები, თინა დალაქიშვილი იყო, რომელიც ვინსენს „ბორჯომის" ჯადოსნურ ამბავს უყვება. ეს რომ უბრალოდ რეკლამა არ იყო, ამას თავადაც აღნიშნავს:  „აქ რეკლამისთვის ჩამოვედი, მაგრამ ეს რეკლამა საქართველოს ღრმა ფესვებამდე ჩადის.“ ადამიანს რამდენადაც შეუძლია ღრმად დაინახოს საკუთარი თავი, ზუსტად იმ სიღრმეზე ხედავს გარე სამყაროსაც. ვინსენ პერესი ზუსტად ასეთია.   „როცა არის საზრისი ეს მე მეხება.“   შთაბეჭდილება ანსამბლ რუსთავის კონცერტმა მოახდინა: „ამ მოცეკვავეების ძალა ჯერ კიდევ ჩემშია და მინდა დიდხანს დარჩეს“   ...  „ცრემლები მომდიოდა, იმდენად ნამდვილი იყო.“ ზოგჯერ, შენი ქვეყნის შესახებ შენი სტუმრებისგან უფრო მეტს გაიგებ. სტუმარი გვაჩვენებს იმას, რაც ღირებულია, იმას, რასაც თვალისჩინივით უნდა მოვუფრთხილდეთ, იმას რაც შენია და შენს მიღმა დეფიციტშია. ვინსენ პერესი საამისო მინიშნებასაც გვაძლევს: „აქ ვგრძნობ რაღაც ნამდვილს, რაც თავს ძალიან კარგად მაგრძნობინებს, ეს წყალივითაა, გჭირდება რომ აგავსოს და ამიტომაც მიყვარს აქ ჩამოსვლა, მნიშვნელოვანია, რომ საკუთარ ფესვებთან კავშირი შეინარჩუნო, ბევრ ქვეყანაში ეს იკარგება და დიდ ქვეყნებს ემსგავსებიან.“  მალე საქართველოში მეგობრების ჩამოყვანასაც აპირებს და არც ის არის გამორიცხული, რომ გადასაღებ მოედნადაც გამოიყენოს აქაურობა. განსაკუთრებით სვეტიცხოველი მოეწონა, არა მხოლოდ არქიტექტურა, არამედ მისი ძალაც. იცის, ხედავს, განიცდის.  ალბათ ასეთი უნდა იყოს ნამდვილი შემოქმედი, სრულად შემოუშვას ცხოვრება, თავის თავში გაატაროს და ახალი ფორმა შესძინოს. ეს ბრძოლას გავს, როცა უამრავი დაბრკოლების გადალახვა გიწევს, სანამ ახალ ნაყოფს დაბადებ, ამ ბრძოლაზე თავად ვინსენიც საუბრობს.   ეს ინტერვიუ შთაგონების წყარო გახდება უამრავი შემოქმედის, მსახიობისა და რეჟისორისთვის.  ვინსენ პერესი ნამდვილი ძენი ოსტატია, თუ რატომ, ამას ინტერვიუში ნახავთ. 

უკვე ტრადიციად იქცა,  „ბორჯომი" ყოველწლიურად, საკუთარ მომხმარებლებს სპეციალურ, ლიმიტირებულ შეფუთვას სთავაზობს, რომელიც ყოველთვის განსაკუთრებულია.   ამჯერად, ზღაპრული ფერებისა და ფორმების მიღმა, მაცოცხლებელი წყლის ისტორია, მემკვიდრეობა და სიმბოლიკა იმალება.  არცერთი ხაზი და წერტილი შემთხვევითი არ არის, ყველაფერი „ბორჯომის" ხასიათს, წარსულსა და განწყობას გვიყვება.   დიზაინი სამი ძირითადი ილუსტრაციისგან შედგება, ამიტომ მოდი  ვუწოდოთ „ბორჯომის" ტრიპტიქი.  თავი პირველი - სიღრმე  პირველი თავი „ბორჯომის" წარმოშობის ისტორიას გვიამბობს. იქ სადაც უწინ იყო ზღვა, მიწა იძრა, ამოხეთქა ვულკანმა და ამოიზარდნენ მთები.  წყალმა დაბლა  დაიწია და ხმელეთი გადაეფარა. თუმცა, „ბორჯომმა" მიწის ქვეშ ყოფნა დიდ ხანს ვერ მოითმინა, გააპო ვულკანური ქანები, 8000 მეტრი ამოიარა, გზადაგზა 60-ზე მეტი სასიცოცხლო მინერალით გამდიდრდა და მზის შუქზე ამოვიდა, რათა დედამიწის ბინადართათვის კვლავ მიეტანა სიცოცხლე.  თავი მეორე - ჯადოსნური ძალა  ძალიან ძველად, ჯერ კიდევ მაშინ, როდესაც ადამიანები ბუნების ძალებს ადიდებდნენ, ჰქონდათ მიმართვის ტექსტები, სადაც საოცარ ფრაზას ვკითხულობთ „უსასრულო სამყაროში დაუტეველო და უმცირესში დატეულო.“  ტრიპტიქის მეორე სურათი თითქოს სწორედ ამის ილუსტრაციაა, პატარა წყლის წვეთი, რომელიც მთელი სამყაროს ჯადოსნობას იტევს:  მზის სხივებს, მთების სიმტკიცეს, ხეების ერთიანობას და მდინარეების ჩქეფას. თითქოს ყველა ენერგიას საკუთარ თავში აერთიანებს და მაცოცხლებელ ელექსირად გარდაქმნის. ალბათ, ერთხელ მაინც ყველას უგრძვნია მისი ეს ჯადოსნური ძალა.  თავი მესამე - ირემი ირემი, როგორც „ბორჯომის" საკულტო ფიგურა, პირველაღმომჩენი. შემთხვევით არ სწამდათ ძველ ქართველებს, რომ ირმის რქები კოსმოსური არხები იყო ზეციური სიგნალების დასაჭერად.  ირემი განასახიერებდა კავშირს მიწასა და ცას შორის, ამიტომ ირმის სიმბოლოებს მრავლად შეხვდებოდით პრექრისტიანულ საქართველოში. ირემი იყო გზის მაჩვენებელი, რომელიც სინათლისკენ მიუძღვოდა ადამიანებს.  მისი ეს ფუნქცია შეიძლება ითქვას, რომ „ბორჯომის" ლეგენდაშიც ჩანს, რადგან „ბორჯომის" მაცოცხლებელი წყლისკენ მიმავალი გზაც სწორედ ირემმა გაგვიკვალა.  სამივე ილუსტრაციის დიზაინი ერთ სტილშია შესრულებული. არაერთხელ გვითქვამს, რომ „ბორჯომი" ოთხი ფუნდამენტური ელემენტის შესანიშნავი სიმბიოზია:  ვულკანური ცეცხლი, მინერალებით მდიდარი მიწა, ჰაერი და წყალი ხომ თავისთავად.  აღმოსავლური მედიცინის მიხედვით, იმისათვის რომ ადამიანი ჯანმრთელი იყოს, ოთხივე სტიქია ბალანსში უნდა ჰქონდეს, ესაა ჯანმრთელობის ფუნდამენტური პრინციპი.  რადგან ადამიანის სხეულიც სხვა არაფერია თუ არა ამ ოთხი ელემენტის ერთობლიობა, რომელიმე ელემენტის დისბალანსით  ორგანიზმის მთლიანობაც ირღვევა.  ამ შინაგანი ერთიანობის შესანარჩუნებლად ყოველდღიური რუტინა გვჭირდება, ჯანსაღი კვება,  ფიზიკური ვარჯიში, სუფთა ჰაერი, მენტალური და ემოციური ჰიგიენა,  ამ მეტად რთულ გზაზე „ბორჯომის" მაცოცხლებელი წყალი ერთ-ერთი საუკეთესო მეგობარია,  რომელიც ჩვენს ორგანიზმს 60-ზე მეტი მინერალით მოამარაგებს,  თანაც ვულკანური წარმოშობის წყალით, რომელიც მსოფლიოში თითზე ჩამოსათვლელია.  შეფუთვის ილუსტრაციაში მაცოცხლებელი წყლის ეს თვისებებიც ჩანს, აქ ოთხივე სტიქიის ელემენტებია გამოყენებული.   ზოგადად სტიქიების ჰარმონიულ შერწყმას დიდი ოსტატობა სჭირდება, ზოგი სტიქია ერთმანეთს აძლიერებს, ზოგი - კონფლიქტშია, ზოგიც - ნეიტრალური.  სწორედ ასეთი ოსტატური ნამუშევარია „ბორჯომის" სპეციალური შეფუთვა, რომელსაც შეუძლია მინერალური წყლის დალევა ისეთ ჯადოსნურ მოგზაურობად აქციოს, რომელსაც თავად მაცოცხლებელი წყალი გადის. 

ახალი წელი ახალი დასაწყისის სიმბოლოა. ქართული მინერალური წყალი ბორჯომი, საახალწლო კამპანიაში, ჯადოსნური თავგადასავლის დასაწყისს გვაჩვენებს.   თავგადასავალი, ბორჯომის მეგზურობით, „კუკუშკით“ იწყება, რომელსაც სიმბოლური დატვირთვა აქვს და ყველას  ბავშვობაში აბრუნებს. წიწვებში ჩაფლული ჯადოსნური გზა კი ზღაპრული თავგადასავლის იდეალური დასაწყისია. სწორედ ამ შთაგონებით შეიქმნა ბორჯომის საახალწლო ვიდეორგოლი. სცენარის მიხედვით, საახალწლო წვეულებიდან გამოსული მეგობრები ბორჯომის დალევისთანავე, ჯადოსნური თავგადასავლისთვის ემზადებიან. ამბავი სწორედ მაშინ სრულდება,  როდესაც გმირები ზღაპრულ სამყაროში აღმოჩნდებიან, ამ ისტორიის უცვლელი მეგზური კი ბორჯომია.  ვახტანგ ანთაძე, „ბორჯომის“ გლობალური ბრენდ დირექტორი „ახალი წელი წარმოუდგენელია ბორჯომის გარეშე, შესაბამისად ახალი კამპანიით გვინდოდა, აგვემაღლებინა სადღესასწაულო განწყობა, რომელიც ემოციურად მომხმარებლებს დაუკავშირდებოდა. შთაგონების წყაროდ გამოვიყენეთ „კუკუშკა,“ რომელიც ბორჯომის სიმბოლოა. ახალ საკომუნიკაციო კამპანიაში, თანამედროვე „კუკუშკით“ ბავშვობის მოგონებები, ნოსტალგია გავაცოცხლეთ და 130 წლიანი ისტორიის მქონე ბრენდით ჯადოსნური საახალწლო განწყობა შევქმენით. ვიდეორგოლი საქართველოსთან ერთად, ევროპის და აზიის ქვეყნებში  გავრცელდება.“   ქეთი ცნობილაძე, „ბორჯომის“ ბრენდ მენეჯერი „ახალ წელს ჩვენს მომხმარებლებს, ლიმიტირებულ სერიასთან ერთად, ვთავაზობთ საახალწლო ვიდეორგოლს, რომელიც სადღესასწაულო განწყობას კიდევ უფრო მეტად შექმნის. ამ კამპანიით გვინდა, რომ  დღესასწაული კიდევ უფრო ჯადოსნური გავხადოთ და ჩვენი მომხმარებლები ბორჯომთან ერთად, ზღაპრულ სამყაროში ვამოგზაუროთ. ვიდეორგოლი სოციალურ მედიაში და სატელევიზიო სივრცეში დეკემბრიდან გამოჩნდება.“  საახალწლო რგოლის კამპანიასა და კონცეფციაზე, ქართულმა კრეატიულმა სააგენტო  „ლივინგსტონმა,“ ხოლო ვიდეორგოლის წარმოებაზე „მეტრო ფროდაქშენმა იმუშავა.“  ბორჯომი - ახალი წლის, ახალი დასაწყისი -  ამ საკომუნიკაციო გზავნილით და ვიდეორგოლით, ბორჯომი გილოცავთ დამდეგ ახალ წელს და ყველას ჯადოსნურ თავგადასავალში გიწვევთ.   Agency: Leavingstone Creative Chairman: Levan Lepsveridze Creative Director: Emily Koridze Art Director: Bruce Lee Sr. Copywriter: Keti Kipshidze, Qetka Magradze Account Director: Zizi Nasrashvili, Ekaterine Ebanoidze Sr. Account Manager: Salome Martiashvili Account Manager: Mariam Simonishvili Design Team Head: Matassi Sulakauri Design Team: Magda Janjalashvili, Aniki Gelashvili, Giorgi Jinoridze, Eka Vekua, Nikita Mchedlishvili Administrative Team: Erekle Zurmukhtashvili, Natia Demetradze, Pikria Javashvili  Production Director: Dima Chkheidze DoP: Sandro Darakhvelidze 1st AD: Sali Jugheli  2nd AD: Gvantsa Zhuzhunashvili Production Designer: Papuna Papaskiri  Props Master: Zaza Vashakmadze  Costume Designer: Tina Shengelia Costume Designer Assistant: Anastasia Kvirikadze  Casting: Keti Ka, Nutsa Abashidze MU: Veriko Bedeladze, Nino Bedeladze Playback: Koba Rostiashvili Camera AC: Guram Mosikashvili Gaffer: Giorgi Gogatishvili Dolly: Giorgi Zakaidze, Dimitri Zakaidze  Production Company: Metro Production Head of Production: Maia Gurabanidze  Executive Producer: Sandro Gabilaia Producer: Keti Ka  Production Manager: Guram Mosikashvili PA: Irinola Tlashadze  Location Manager: Natia Chomakhidze Location Manager Assistant: Zaza Chigladze Lockers: Giorgi Eremadze, Zauri Lomidze, Kakhaber Lomidze Unit Manager: Merab Rostomashvili  Set Manager: Koka Chkhaidze Helpers: Buba Kupatadze, Saba Saghrishvili, Niko Chkhaidze Transport Manager: Davit Maghlakelidze Financial Administator: Teko Gurabanidze Post Production Producers: Buro, Ekaterine Davitashvili Music and Sound Design: Heima Production Colour Grading: UPP Prague CG: Irakli Zurabishvili, Bruce Lee, Anzor Akhobadze, Sergi Tiginashvili, Levan Lortkipanidze, Akaki Kapanadze, Levan Gunia, Vako Aghladze, Berika Lobzhanidze, Giorgi Chanturia   Actors: Mariam Gogoladze, Mariam Kantaria, Nini Soselia, Dachi Tchezhia, Shoti Cheishvili Storyboard Artist: Qetka Magradze Photographer: George Kolbaia Assisting Photographer: Elene Gomelauri   

„ბორჯომი“ სასმელების ახალ კატეგორიაში შედის      კომპანია IDS ბორჯომი საქართველო, პორტფელს აფართოებს და პრემიუმ ლიმონათების ასორტიმენტით, ტკბილი გაზიანი სასმელების კატეგორიაში შედის. LIMONATI BY BORJOMI – „ლიმონათი ბორჯომისგან“, ახალი ინოვაციური პროდუქტია, რომელსაც ქართული მინერალური წყლის ბრენდი მომხმარებელს უახლოეს პერიოდში შესთავაზებს. „ლიმონათი ბორჯომისგან“, დამზადებულია „ბორჯომის“ მინერალური წყლით და ქართული ნატურალური ხილის წვენით.    ახალი ქართული ლიმონათი ქილაში ჩამოისხმება, შეფუთვის დიზაინზე იტალიურმა ბრენდინგ სააგენტო „პაგინამ“  იმუშავა. ლიმონათის  ოთხი გემო  – მსხალი, აჭარული მანდარინი, ტარხუნა და ციტრუსი, შესაბამისი ფერის ქილებშია წარმოდგენილი. დიზაინი, ქართული არქიტექტურისთვის დამახასიათებელ ორნამენტთან ერთად, ბორჯომის ხეობას, მინერალურ წყალს და ბრენდის სიმბოლოს -  ირემს, ოვალის ფორმის გამოსახულებაში აერთიანებს. სპეციალურად შეირჩა ქართული ჟღერადობის სახელწოდებაც - LIMONATI ბორჯომისგან, რომელიც სიტყვის  პოპულარიზაციის მიზნით საერთაშორისო ენაზე დაიწერა.  ივანე მაჭავარიანი, კომპანია IDS ბორჯომი საქართველოს გენერალური დირექტორი  „ინოვაციური პროექტების განხორციელება და პორტფელის გაფართოება, ჩვენი კომპანიის გრძელვადიანი სტრატეგიის ერთ-ერთი მნიშვნელოვანი მიმართულებაა. ვცდილობთ, ვიყოთ ნოვატორები, ერთი მხრივ დავნერგოთ სიახლეები და მეორე მხრივ მოვიზიდოთ სრულიად განსხვავებული, ჩვენთვის ახალი კატეგორიის მომხმარებლები. ტკბილი გაზიანი სასმელების კატეგორიაში შესვლა ერთგვარი გამოწვევაა, რადგან გარემო საკმაოდ კონკურენტულია. თუმცა მიგვაჩნია, რომ „ქართული ლიმონათი ბორჯომისგან“, გამორჩეულია თავისი შემადგენლობით და გემოთი, რაც მის წარმატებას განაპირობებს და ღირსეულად გააგრძელებს საქართველოში ლიმონათის დამზადების 100 წლიან ტრადიციას“.  „ლიმონათი ბორჯომისგან“ ბორჯომის ჩამომსხმელ N2 ქარხანაში იწარმოება და საქართველოს გარდა ექსპორტზე ევროპისა და ცენტრალური აზიის ქვეყნებში გავა. მიმდინარეობს მოლაპარაკებები მსხვილ სავაჭრო ობიექტებთან. ბრენდი ახალი პროდუქტის საკომუნიკაციო კამპანიას და ქსელში გატანას 2024 წლის დასაწყისიდან გეგმავს. ასევე მალე, მისი შეძენა კომპანიის ონლაინ გაყიდვების პლატფორმა www.mywatershop.ge - ზეც იქნება შესაძლებელი.    სააგენტო: LF&T პროექტის მენეჯერი: ვახო ჩიკვაიძეკრეატიული დირექტორი: ირაკლი ბედუკაძერეჟისორი: ნიკუშა კუკუშა მოწონელიძედამდგმელი ოპერატორი: ვიგენ  ბიბა  ვართანოვმხატვარი: პოლინა რუდჩიკ, სანდრო ნადარეიშვილიარტ დირექტორი: გვანცა ჩიჯავაძესთორი ბორდ არტისტი: ლიზა ბედუკაძე Production Company: FIRE PRODUCTIONაღმასრულებელი პროდიუსერი: თამარ თვარაძე1AD: მარგო ზუბაშვილი2AD:ფიქრია ქიქოძეპროდუსერები: მარიამ ზუბაშვილი, ანი მელაძეპროდაქშენ მენეჯერი: გიორგი მგელაძელოკაციის მენეჯერი: გიორგი გუგეშაშვილირეკვიზიტორი: ზაზა ვაშაყმაძეSET dresser: ზაზა ზუზუკოსტუმების მხატვარი: იკა ბობოხიძეკოსტუმების ასისტენტი: ელენე ზვანბაია, ნინო ზვანბაიაკასტინგ მენეჯერი: თინათინ ხიზანიშვილიკასტინგ მენეჯერის ასისტენტი: ნუცა აბაშიძეPA: ელენე კეკელიძეგრიმი: ვერიკო ბედელაძე, ნანიკო სულაქველიძე, ნინო ბედელაძესეტ მენეჯერი: ვალერიან ურუშაძეგაფერი: მიშკა საგანელიძეფოკუსი: მანუ ელიჯარაშვილიოპერატორი: ხატია ხალვაშიფლეიბექი: გოგა კარბელაშვილიგამნათებლები: ბიძინა ჩხაიძე, ბექა დვალიშვილი, არჩილ სამხარაძერომა გუჯაბიძე, დავით სამხარაძე, გიორგი გოგატიშვილიდოლი: ბეჟან ლალიაშვილი, იურა პოღოსოვი, ზურა წულეისკირიმძღოლები: მუხრან ახალაია, კახა გუგუშვილი, ლაშა კილაძე სპეც ეფექტი: ირაკლი ტაბატაძე, სანდრო შერაზადაშვილი, შალვა პეტრიაშვილი ხმის დიზაინი: Heima ProductionVFX: HIGHWAY 360 მიმართულება:მხატვარი - მარი ლოგუნოვაფროდაქშენ მენეჯერი - ლევან ფარულავაფოტოგრაფი - თორნიკე აივაზაშვილიმეიქინგ ოფი - სალომე საღარაძედიზაინერი - ანდრო აბაშიძემხატვრის ასისტენტი: ლიზა ბედუკაძე პოსტ ფროდაქშენი:ფერის კორექცია: ბიბა ვიგენ ვართანოვ, ნიკუშა კუკუშა მოწონელიძემონტაჟი და პოსტ პროდაქშენი - ვახო ჩიკვაიძეკოპირაიტერი: მინდია არაბული, ვახო ჩიკვაიძემუსიკის ავტორი: ბექა ჯაფარიძე შუკვანი მსახიობები: თეკლა ჩიჯავაძე, ოთარ ლითანიშვილი, დიტო კარტოზია, ვაჟა გოდერძიშვილი, თაკო ქართველიშვილი, ანა სიხარულიძე

პონტოს ზღვის პირას, სამხრეთ აღმოსავლეთით, ბერძნებმა ერთ-ერთი ყველაზე ხელსაყრელი ნავთსაყუდელი აღმოაჩინეს. მისი სიღრმიდან გამომდინარე, ეს ადგილი გემებისათვის ფრიად მოსახერხებელი იყო, ამიტომაც  მსოფლიოს ნათლიებმა, მას ღრმა იგივე Bathus შეარქვეს. ალბათ ასეთ სახარბიელო მდებარეობას უნდა მივაწეროთ ის, რომ ბათუმის ისტორიული სხეული უამრავი კულტურული ქსოვილით არის შემოსილი. კოლხური, ბერძნული, რომაული, ბიზანტიური, ოსმალური, ბრიტანული...  ქალაქის მნიშვნელობა მეცხრამეტე საუკუნეში ერთი-ორად გაიზარდა, როდესაც პირველად დაიწყეს ევროპისკენ კასპიის ზღვიდან ამოქაჩული ნავთობის გატანა. მაშინ ნავთობი სიახლე იყო, ყველას ერთნაირად იზიდავდა, უბრალო მუშას თუ მსხვილ ბიზნესმენს.  ბათუმი გახდა ერთგვარი პორტალი კავკასიასა და დასავლეთს შორის. წლები გავიდა, გემები თვითმრფინავებმა ჩაანაცვლა, ტელეგრაფი - ტელეფონმა და ინტერნეტმა, სამყარო დაპატარავდა, მაგრამ ქალაქს ეს ფუნქცია დღემდე არ დაუკარგავს.  საბჭოთა იზოლაციამ კი თავისი ქნა, მაგრამ ახლა ბათუმი ძველ ხასიათს იბრუნებს. როცა ზაფხულის ვნებათაღელვა ჩაცხრება, ქალაქი თითქოს ხალხმრავალი სტუმრიანობის შემდეგ გადაღლილი მასპინძელივით ისვენებს.  ზღვა ხავერდივით ფაფუკი ხდება, მზე ჰაერივით რბილი.   ამ დროს ბათუმი ფესტივალებით ცხოვრობს,  არაფერი ისე არ ამშვენებს კოხტა, პატარა, ზღვისპირა ქალაქებს, როგორც ლამაზი ფესტივალები.  ერთ-ერთი ასეთია Adblacksea, რეგიონის ყველაზე მასშტაბური ღონისძიება სარეკლამო ინდუსტრიაში. ბოლო პერიოდში კრეატიულმა სცენამ ისეთი პროგრესი განიცადა, ერთი ფესტივალიც გარდაუვალი იყო.  თითქოს ამ ფესტივალმა საქართველო მყარად მონიშნა მსოფლიოს კრეატულ რუკაზე და თამამად განაცხადა, „ჩემი მისიაა რეგიონის კრეატიული სამყარო ევროპულთან დავაკავშირო.  მე ვიქნები თქვენი მასპინძელი, რადგან მასპინძლობაა ის რაც ძალიან კარგად გამომვდის, და რაც მთავარია, რაც ძალიან მახარებს.“2015 წლიდან მოყოლებული ADBLACKSEA რეგიონის წამყვან კრეატიულ სააგენტოებს მასპინძლობს: უნგრეთიდან, რუმინეთიდან, ბულგარეთიდან, უკრაინიდან, აზერბაიჯანიდან, სომხეთიდან, უზბეკეთიდან, ყაზახეთიდან,. მონაწილეთა რაოდენობა წლიდან წლამდე იზრდება.  ბათუმი და შესაბამისად საქართველოც, თავის მისიას პირნათლად ასრულებს სამყაროს წინაშე.  ასეთ ღონისძიებას ვერც ბორჯომი დააკლდებოდა, რადგან თითქმის სრულ თანხვედრაში მოდის კომპანიის მისიასთან, ხელი შეუწყოს საქართველოს სახელის გატანას მსოფლიოს მაშტაბით.  ამჯერად  ფესტივალის გრანპრი აზერბაიჯანში წავიდა. ამაღელვებელია იმის ყურება, თუ როგორ ცდილობს ინდუსტრია მძიმე სოციალური პრობლემების კრეატიულად გადაჭრას. სააგენტო ენდორფინის მიერ შესრულებული, “White Suite Girl” ასეთი იყო,  რომელიც ადრეული ქორწინების საკითხს ეხმიანებოდა. ამ მეტად ემოციურმა კამპანიამ ჟიური არ დატოვა გულგრილი,  ყველაზე მეტი ნომინაცია და ჯილდო სწორედ მიიღო.  საერთო ჯამში, 11 ნომინაციაში 60 პრიზიორი გამოვლინდა. აქედან სამი ჩვენმა Liquid Myth-მა აიღო, ვერცხლი - კრეატიული სტრატეგიისთვის, ხოლო ბრინჯაო რეჟისურისა და კინემატოგრაფიისთვის. პრიზი სიმბოლური, მატერიალური გამოხატულება,უამრავი ადამიანის, შრომის, ფიქრის, თავდადების და რაც კამპანიის კეთებას დაჭირდა.  გაემგზავრება ახლა ჩვენი გაცოცხლებული ლეგენდა ბათუმის მაგიური პორტალიდან საფესტივალო მოგზაურობაში.   ბორჯომის ბოთლში ჩადებული წერილი მოივლის ზღვებს და მდინარეებს, მთებს და ოკეანეებს,  ქალაქებს და კუნძულებს, რათა იქ ჩაწერილი, ლამაზი, საუკუნოვანი ლეგენდა, მთელ მსოფლიოს გააცნოს. 

18.07.2023 პირველი ქართული მინერალური წყალი „ბორჯომი“ საქართველოს რაგბის კავშირის გენერალური სპონსორი გახდა. თანამშრომლობის შესახებ მემორანდუმს ხელი, კომპანია IDS ბორჯომი საქართველოს გენერალურმა დირექტორმა ივანე მაჭავარიანმა და რაგბის კავშირის პრეზიდენტმა იოსებ ტყემალაძემ, დღეს მოაწერეს. შეთანხმების თანახმად, ქართული მინერალური წყალი „ბორჯომი,“ ბორჯღალოსნების და ყველა ასაკობრივი ეროვნული ნაკრების (20 წლამდე, 18 წლამდე, შვიდკაცა, შვიდქალა) გენერალური სპონსორი და ასევე კლუბ „შავი ლომის“ ოფიციალური მინერალური წყალი გახდა. ამავდროულად მნიშვნელოვანია აღინიშნოს, რომ ამ თანამშრომლობის ფარგლებში, ხელი შეეწყობა სამცხე-ჯავახეთში რაგბის განვითარებას. კერძოდ რაგბის კლუბ „ბორჯომისა“ და „ასპინძის“ მორაგბეებისთვის გაუმჯობესდება ინფრასტრუქტურა, სავარჯიშო პირობები და ხელი შეეწყობა რაგბის პოპულარიზაციას. საქართველოს რაგბის კავშირისა და მინერალური წყალი „ბორჯომის“ თანამშრომლობა, მიზნად ისახავს ორი ქართული, დიდი ისტორიის მქონე ბრენდის გაერთიანებას და კიდევ უფრო გაძლიერებას. დღეიდან „ბორჯომი“ ბორჯღალოსნებთან ერთად, ხელს შეუწყობს ქართული რაგბის განვითარებას და ამავდროულად ქვეყნის პოპულარიზაციას საერთაშორისო მასშტაბით. ივანე მაჭავარიანი, კომპანია IDS ბორჯომი საქართველოს გენერალური დირექტორი „მინერალური წყალი „ბორჯომი“ 130 წელზე მეტია, ქართული კულტურის განუყოფელი ნაწილი და მთელ მსოფლიოში ჩვენი ქვეყნის სავიზიტო ბარათია. საქართველოს და ჩვენს სპორტულ ტრადიციას წარადგენენ საერთაშორისო ასპარეზზე ჩვენი ბორჯღალოსნებიც. უნიკალური მინერალური შემადგენლობიდან გამომდინარე, „ბორჯომი“ ენერგიის აღმდგენი ბუნებრივი საშუალებაა. სწორედ ამიტომ, წლებია ის ქართული სპორტის გულშემატკივარი და მხარდამჭერია. დღეს ორი დიდი და საამაყო ბრენდი მნიშვნელოვანი საქმისთვის ერთიანდება. ვამაყობთ ქართველი მორაგბეების მიღწევებით, დარწმუნებული ვარ, რომ „ბორჯომის“ და ეროვნული ნაკრების თანამშრომლობით, საქართველოში და მათ შორის ჩვენთვის მნიშვნელოვან ბორჯომსა და ასპინძაში, კიდევ უფრო განვითარდება რაგბი და ეს ისტორია ღირსეულად გაგრძელდება.“ იოსებ ტყემალაძე, საქართველოს რაგბის კავშირის პრეზიდენტი „ქართულ რაგბს სჭირდებოდა ენერგია და ეს ენერგია ისტორიულმა მინერალურმა წყალმა „ბორჯომმა“ შემოიტანა. მჯერა, რომ ამ თანამშრომლობამ კიდევ ერთი ლელო უნდა დადოს. პრინციპული წელი გვაქვს წინ. საქართველოს ნაკრებისგან მსოფლიო ჩემპიონატზე ყველა ელოდება სიახლეს და ამ სიახლეს ჩვენ „ბორჯომთან“ ერთად ვიტყვით. მნიშვნელოვანია, რომ ეროვნული ნაკრებების სპონსორობის გარდა, ეს შეთანხმება ითვალისწინებს რეგიონალური რაგბის განვითარებას, კერძოდ რაგბის კლუბ „ბორჯომისა“ და „ასპინძის“ მხარდაჭერას. დარწმუნებული ვარ, რომ ძალიან მალე სასწაულ შედეგს ვნახავთ. წარმატებები „ბორჯომს,“ წარმატებები ქართულ რაგბს, ჩვენ დიდი შემართებით მივდივართ მსოფლიო ჩემპიონატზე.“ საქართველოს რაგბის ეროვნულმა ნაკრებმა მსოფლიო თასისთვის მზადება უკვე დაიწყო. 2023 წლის ყველაზე მნიშვნელოვანი სარაგბო ღონისძიება საფრანგეთში, 8 სექტემბერს დაიწყება და 28 ოქტომბერს დასრულდება. ბორჯღალოსნების მეტოქეები C ჯგუფში უელსი, ავსტრალია, ფიჯი და პორტუგალია იქნებიან. თუმცა მანამდე, ჩვენს მორაგბეებს ტესტ-მატჩები ელოდებათ. თბილისში, 12 აგვისტოს, საქართველოს ეროვნული ნაკრები რუმინეთს, 18 აგვისტოს კი ამერიკის შეერთებულ შტატებს შეხვდება. ხოლო 26 აგვისტოს, ბორჯღალოსნები ედინბურგში შოტლანდიის ნაკრებს დაუპირისპირდებიან.