IDS Borjomi veb-saytlara/mobil tətbiqlərə müvafiq çıxışın təmin edilməsi məqsədilə, həmçinin istifadəçilərə IDS Borjomi məhsul və xidmətlərinin təqdim edilməsi məqsədilə əsasnamələrə uyğun olaraq və bu sənəddə müəyyən edilmiş həddə istifadəçilərin şəxsi məlumatlarını toplayır və emal edir.

Məlumatların toplanması və emalı şərtləri nəzərə alınmaqla, istifadəçilərin şəxsi məlumatlarının nəzarətçiləri və emalçıları IDS Borjomi ilə əlaqəli müxtəlif şirkətlər ola bilər. Məlumatların nəzarətçisi və / və ya emalçısı kimi çıxış edən şirkət haqqında məlumat almaq üçün IDS Borjomi-nin məlumatların qorunması xidmətinə (privacy@borjomi.com ünvanına) müvafiq sorğu göndərin (yalnız sorğu göndərən şəxslə bağlı cavab verilir).

IDS Borjomi aşağıdakı kateqoriyalara aid şəxsi məlumatların toplanmasını və emalını həyata keçirmir: irq və etnik mənşə, siyasi baxışlar, dini və fəlsəfi inanc, siyasi partiyalara və / və ya həmkarlar ittifaqlarına üzvlük, inzibati və ya cinayət məsuliyyətinə cəlb edilmə, sağlamlıq vəziyyəti, cinsi həyat və cinsi oriyentasiya haqqında məlumatlar, biometrik və genetik məlumatlar, həmçinin qüvvədə olan qanunvericiliyə uyğun olaraq, şəxsi məlumatların digər xüsusi kateqoriyaları.

IDS Borjomi fəaliyyət spesifikası nəzərə alınmaqla, tətbiq edilən qanunvericiliyə (Gürcüstan qanunvericiliyinə, həmçinin, tətbiqi mümkün olan yerlərdə GDPR Reqlamentinə) uyğun olaraq, şəxsi məlumatların qorunması üzrə bütün zəruri tədbirləri görür.

Əlaqə məlumatları 

Şəxsi məlumatların qorunmasına dair bütün məsələlərlə bağlı IDS Borjomi-nin məlumatların qorunması xidmətinə (privacy@borjomi.com ünvanına) müraciət edin.

IDS Borjomi tərəfindən şəxsi məlumatların toplanması və emal həcmi, üsulu, məqsədi və hüquqi əsası istifadəçinin IDS Borjomi-nin veb-saytlarından/mobil tətbiqlərindən necə istifadə etdiyindən asılı olaraq, həmçinin tələb olunan xidmətlərin həcmindən asılı olaraq dəyişə bilər.

Veb-saytda istifadəçi əks əlaqələri və ya hesab (akkaunt) yaradılması, o cümlədən bloqlarda, forumlarda və məqalələrə şərh yazmaq üçün hesab yaradılması nəzərdə tutulursa, IDS Borjomi aşağıdakı kateqoriyalara aid şəxsi məlumatları toplayır və emal edir:

• Ad, soyad, elektron poçt ünvanı, mobil telefon nömrəsi;
• Veb-saytda/mobil tətbiqdə hesab məlumatları (istifadəçi adı və parol).
• İstifadəçilərin özləri tərəfindən silindiyi ana qədər istifadəçilərin bloqlarda, forumlarda və məqalələrə yazdığı şərhlər;
• Cookie faylları və onların köməyilə veb-sayt/mobil tətbiq vasitəsilə toplanan məlumatlar
• İstifadəçilərin könüllü olaraq verdiyi digər məlumatlar.

Müəyyən məhsulun satışının təklif olunduğu və bunun üçün bank ödəniş kartlarından və onların məlumatlarından (kart sahibinin adı, kartın nömrəsi, kartın etibarlılıq müddəti və CVV kodu) istifadə etmək tələb olunduğu hallarda IDS Borjomi bu cür məlumatları toplamır, emal etmir və saxlamır. IDS Borjomi ixtisaslaşmış ödəniş xidmətləri tədarükçüsünü (bir qayda olaraq, bank müəssisəsinin onlayn terminalı) cəlb edir, o, bu cür şəxsi məlumatları müstəsna olaraq onlayn alış-veriş prosesində ödənişin həyata keçirilməsini təmin etmək üçün emal edir.

IDS Borjomi eyni zamanda şəxsi məlumatlar kateqoriyasına aid olmayan anonim məlumatları (istifadəçini eyniləşdirməyə imkan verməyən) toplayır. Anonim məlumatlar birləşdirilmiş şəkildə toplanır və emal edilir, marketinq araşdırmalarının aparılması məqsədilə istifadə olunur. 

İstifadəçilərin veb-saytlardan/mobil tətbiqlərdən istifadəsi vasitəsilə IDS Borjomi tərəfindən şəxsi məlumatların toplanması və emalı üçün hüquqi əsas aşağıdakılardır:

• Şəxsi məlumatların toplanmasına və emalına razılıq;
• IDS Borjomi tərəfindən müqavilə öhdəliklərinin icrası;
• IDS Borjomi-yə münasibətdə tətbiq edilən qanunvericilikdə müəyyən edilmiş tələblərin yerinə yetirilməsi;
• IDS Borjomi-nin qanuni maraqları.

IDS Borjomi veb-saytlarının/mobil tətbiqlərinin istifadəçilərinin şəxsi məlumatları aşağıdakı məqsədlərlə toplanır və emal edilir:

• IDS Borjomi-nin veb-saytlarında/mobil tətbiqlərində istifadəçilərin hesablarının yaradılması;
• İstifadəçilərin IDS Borjomi-nin veb-saytlarına/mobil tətbiqlərinə çıxışının təmin edilməsi;
• IDS Borjomi məhsulları və xidmətləri üçün sifarişlərin rəsmiləşdirilməsi, bu sifarişlərin idarə edilməsi, həmçinin IDS Borjomi məhsullarının və xidmətlərinin çatdırılması – (mövcud olduqda);
• IDS Borjomi-nin məhsul və xidmətləri haqqında fərdiləşdirilmiş məlumatların təqdim edilməsi məqsədilə istifadəçilərin seçimlərinin müəyyən edilməsi;
• IDS Borjomi məhsulları və xidmətləri haqqında axtarış və informasiya sorğularına cavab verilməsinin təmin edilməsi;
• Sorğu, promo-aksiya və loyallıq proqramlarının keçirilməsi;
• IDS Borjomi məhsul və xidmətləri haqqında xəbərlərə abunəliklərin idarə edilməsi;
• Veb-saytlarda/mobil tətbiqlərdə əks əlaqə formalarından istifadə;
• Elektron poçt və sosial şəbəkələr vasitəsilə məlumatları paylaşmaq mümkünlüyünün təmin edilməsi;
• IDS Borjomi məhsul və xidmətlərinin təkmilləşdirilməsi məqsədilə marketinq araşdırmalarının aparılması və tendensiyaların təhlili;
• IDS Borjomi veb-saytlarının/mobil tətbiqlərinin işinin optimallaşdırılması;
• IDS Borjomi məhsul və xidmətləri haqqında məlumatların (xəbərlər, promo-aksiyalar və digər marketinq tədbirləri haqqında məlumat) təqdim edilməsi
• Forum, bloq, məqalə və digər sosial platformaların işinin təmin edilməsi.

İstifadəçilərin şəxsi məlumatlarının toplanması və emalı veb-saytdan/mobil tətbiqdən istifadə və IDS məhsul və xidmətlərini əldə etmək üçün zəruri şərtdir.

Veb-saytlara/mobil tətbiqlərə çıxış üçüncü şəxslər tərəfindən idarə olunan sosial şəbəkələr vasitəsilə həyata keçirilə bilər (veb-saytın/mobil tətbiqin funksionalından və daxili xüsusiyyətlərindən asılı olaraq). Bu seçimdən istifadə edərkən istifadəçi IDS Borjomi-yə müvafiq sosial şəbəkənin daxili parametrlərində müəyyən edilmiş həcmdə şəxsi məlumatlara çıxış verilməsinə razılaşır.

Hər bir şəxsi məlumatlar kateqoriyası IDS Borjomi tərəfindən müvafiq məqsədə nail olmaq üçün tələb olunan dövr ərzində emal edilir. Məqsədə nail olunduqdan sonra bu məlumatlar silinməlidir (bu şərtlərdə fərqli qayda nəzərdə tutulmayıbsa). İstənilən halda IDS Borjomi şəxsi məlumatları istifadəçilər qarşısında öhdəliklərinin yerinə yetirilməsi, onlara məhsul və xidmət təqdim edilməsi, eləcə də qanunvericilikdə nəzərdə tutulan öhdəliklərinin icrası üçün tələb olunan müddət ərzində saxlamaq hüququna malikdir.

İstifadəçilərin şəxsi məlumatlarla bağlı hüquqları

• Şəxsi məlumatlara çıxış hüququ;
• Şəxsi məlumatlara düzəliş etmək, yeniləmək və əlavə etmək hüququ;
• Şəxsi məlumatların emalı üsulları və emal məqsədləri haqqında məlumat əldə etmək hüququ;
• Şəxsi məlumatlarla bağlı pozuntular haqqında məlumat əldə etmək hüququ;
• Şəxsi məlumatların üçüncü şəxslərə ötürülməsini məhdudlaşdırmaq hüququ;
• Şəxsi məlumatların toplanmasına və emalına daha əvvəl verdiyi razılığı ləğv etmək hüququ;
• Şəxsi məlumatların toplanmasını və emalını məhdudlaşdırmaq hüququ (qanunla nəzərdə tutulan həddə və müvafiq əsas əsasında);
• Şəxsi məlumatları bloklamaq, silmək və məhv etmək hüququ (qanunla nəzərdə tutulan həddə və müvafiq əsas əsasında).

İstifadəçi şəxsi məlumatlara dair məsələlərlə bağlı IDS Borjomi-nin məlumatların qorunması xidmətinə (privacy@borjomi.com ünvanına) sorğu və ya şikayət göndərə və ya şəxsi məlumatların qorunması üzrə səlahiyyətli orqana müraciət edə bilər.

IDS Borjomi şəxsi məlumatları yalnız bu məlumatların ilkin olaraq yığıldığı məqsədlərə nail olmaq üçün zəruri olan həcmdə üçüncü şəxslərə ötürür.

Məlumatlar müstəsna olaraq zərurət olduqda, qüvvədə olan qanunvericiliyin tələblərinə riayət olunmaqla və tələb olunan minimum həcmdə və məlumatların ötürülməsi üçün tələb olunan müddətə ötürülür.

Şəxsi məlumatların transsərhəd ötürülməsinə zərurət olduqda IDS Borjomi istifadəçinin ayrıca və hərtərəfli razılığını istəyəcək. İstifadəçilərin yazdığı şərhlər, ad və soyad (istifadəçi tərəfindən seçilmiş formatda), həmçinin istifadəçi adı (username) hamıya açıqdır. İstifadəçi bu cür şərhlərin yaradılmasını və silinməsini özü idarə edir; veb-saytda passiv saxlama istisna olmaqla, bu məlumatlar IDS Borjomi tərəfindən emal edilmir.

Veb-saytlara/mobil tətbiqlərə çıxışın təmin edilməsi məqsədilə, eyni zamanda təklif olunan xidmətlərin keyfiyyətini artırmaq üçün IDS Borjomi şəxsi məlumatları aşağıdakılara ötürə bilər:

• IDS Borjomi-yə bağlı şirkətlərə;
• IDS Borjomi-nin tərəfdaşlarına;
• IDS Borjomi-nin subpodratçılarına;
• Dövlət orqanları da daxil olmaqla, üçüncü şəxslərə (qanunvericiliyin tələblərini yerinə yetirmək üçün);
• IDS Borjomi-nin hüquqi yenidəntəşkili proseduru baş verdikdə və bu prosedur çərçivəsində üçüncü şəxslərə.

IDS Borjomi şəxsi məlumatların qorunmasını təmin etmək üçün bütün zəruri hüquqi, təşkilati və texniki tədbirlərin görülməsini təmin edir.

Bu veb-sayt cookie fayllarından istifadə edir

Biz (IDS Borjomi) məzmun və reklamın fərdiləşdirilməsi, sosial şəbəkələrin funksiyalarının təmin edilməsi üçün, həmçinin internet trafikimizin təhlili üçün cookie fayllarından istifadə edirik. Bundan başqa, biz sizin veb-saytımızdan istifadəniz və sosial şəbəkələrlə qarşılıqlı əlaqəniz haqqında məlumatı reklam və analitika üzrə tərəfdaşlarımıza ötürürük, onlar bu məlumatı sizin təqdim etdiyiniz və ya sizin onların servislərindən istifadəniz nəticəsində onlar tərəfindən toplanmış digər məlumatlarla birləşdirə bilər.

Cookie faylları nədir? 

Cookie faylları veb-saytların istifadəçi ilə qarşılıqlı əlaqənin səmərəliliyini artırmaq üçün istifadə edə biləcəkləri kiçik mətn fayllarıdır.

Məxfilik Siyasətimizə və tətbiq edilən qanunvericiliyə uyğun olaraq, biz veb-saytın işi üçün həddindən artıq zəruri olduqda cookie fayllarını sizin cihazınızda saxlaya bilərik. Bütün digər cookie faylları növlərindən istifadə üçün sizin razılığınız tələb olunur. Siz yalnız zəruri cookie fayllarından istifadəni seçə və ya veb-saytın əsas səhifəsində açılan pəncərə (banner) vasitəsilə bütün cookie fayllarından istifadəyə icazə verə bilərsiniz.

Bu veb-sayt müxtəlif növ cookie fayllarından istifadə edir. Ətraflı siyahı aşağıda təqdim edilib. Bəzi cookie faylları veb-saytın səhifələrində əks olunan kənar servislər tərəfindən quraşdırıla bilər.

Siz istənilən an cookie fayllarından istifadəyə dair razılığınızı dəyişdirə və ya ləğv edə bilərsiniz. Bunun üçün ya bizimlə əlaqə saxlamalı, yaxud da internet-brauzerinizin parametrləri vasitəsilə cookie fayllarını silməli və cookie fayllarından istifadə parametrlərini yenidən seçmək üçün təkrarən veb sayta daxil olmalısınız.

Zəruri cookie faylları veb-saytın düzgün işləməsi üçün əhəmiyyətlidir. Onlar anonim rejimdə işləyərək, saytın əsas funksiyalarını və təhlükəsizlik parametrlərini təmin edir.

Analitik cookie fayllarından istifadəçilərin veb-saytla qarşılıqlı əlaqəsinin təhlili üçün istifadə olunur. Onlar ziyarətçilərin sayı, ziyarət tezliyi, trafik mənbələri haqqında məlumatları və analitika üçün lazım olan digər məlumatları toplamağa kömək edir.

Digər cookie faylları təhlil mərhələsindədir və hələlik hər hansı konkret kateqoriyaya aid edilməyib.