Maddi dünyada daimi heç nə yoxdur; hər şey formasını dəyişir. Üstəlik, heç bir forma təkrarlanmır: təbiətdə hətta iki eyni qar dənəciyi belə yoxdur. Hər şey dəyişir. Bu qaydalar daim yenilənməkdə olan varlıq üçün zəruridir. Məzmun eyni qala bilər, lakin forma həmişə dəyişir. Borjomi də istisna deyil; bu həyat verən suyun vizual görünüşü maraqlı bir təkamül keçirdi. Qablaşdırma və etiketlər dəyişdirildi və “Borjomi” şüşəsində bütün epoxalar əks olundu. Bu gün məhz bu haqda danışacağıq. Orijinal “Borjomi” qablaşdırması unikal bir hadisə oldu. Unikal cəhət o idi ki, etiket birbaşa şüşənin üzərinə həkk olunmuşdu və bu şüşələr uzaq Finlandiyadan gətirilirdi. Şüşə butulkaları Skandinaviyadan gətirməyin nə qədər çətin, vaxt aparan və səmərəsiz bir proses olduğunu təsəvvür etmək olar! Məhz bu səbəblərdən Borjomidə şüşə zavodu açıldı. Ağ şüşələr tünd rəngli şüşələrlə əvəz olundu. Qravirovka qorunub saxlanıldı və müasir prizmadan baxdıqda, kifayət qədər zərif görünürdü. O dövrün etiketlərində aşağıdakı yazıları görmək olar: "Yekaterina bulağı", "Yevgeniy bulağı". Yevgeniy Qafqazın hökmdarı canişini, Yekaterina isə onun qızı idi. Yekaterina sağaldıqdan sonra hökmdar Borjomi suyunun xüsusiyyətlərinə heyran qaldı, bulaqların tikintisini əmr etdi və bu bulaqlar onların şərəfinə adlandırıldı. Borjominin tanınması ilə ixrac məsələsi ortaya çıxdı. Burada qonaq olan kimyaçı F. Moldhauner butulkalara süzülmüş mineral suyun fiziki və kimyəvi xassələrini uzun müddət saxlamasını təmin edən üsul işləyib hazırlayıb. Borjomi imperiyanın hüdudlarından kənara çıxdı və xarici bazara müvafiq etiketlərlə ixrac edildi. Mineral su tezliklə beynəlxalq səviyyədə tanındı və Belçika, Almaniya və Rusiyada xüsusi mükafatlar aldı. Sərgilərdə uğurla iştirak etdi və adı bütün dünyaya yayıldı; Borjomi demək olar ki, hər yerdə idi. XX əsrin ikinci yarısından etibarən Borjomi Gürcüstanın vizit kartı oldu və artıq hamı onu tanıyırdı. Belə bir vaxtda brendinqə kobud müdaxilələr tövsiyə edilmirdi, ona görə də “Borjomi” etiketində dəyişikliklər çox ehtiyatla həyata keçirilirdi. Şüşənin bütün versiyalarında qırmızı və mavi rənglərin birləşməsini, məşhur “Borjomi “fəvvarəsini və təbii ki, həkk olunmuş maral görürük. Etiket ştrixləri bir qədər dəyişdi, lakin şüşənin mavi-yaşıl rəngi həmişə qorunub saxlanılırdı, yeri gəlmişkən bu rəng patentləşdirilib və "Gürcü yaşılı" adlanır. Bu xüsusiyyətlər sayəsində “Borjomi” şüşəsi yaddaqalan vizual görüntü yaradır və insanların beyninə həkk olunur. Bunu hətta məşhur filmlərdə də görmək olar: “Solaryis”, “Terminal”, “Bornun ultimatumu” və s. Sovet İttifaqının dağılması hər şeyə, o cümlədən Borjomiyə də təsir etdi. Lakin bu dağıntılardan tamamilə yeni bir Borjomi doğuldu. 1995-ci ildən suyun istehsalını öz üzərinə götürən və sevimli brendini xalqa qaytaran “Georgian Glass & Mineral Water” şirkəti yaradıldı. 2010-cu il Borjomi rebrendinqi ilidir: etiketin və şüşənin forması dəyişir. Borjomi, bədəndən zərərli maddələri çıxaran canlandırıcı su kimi, "artıq olandan qurtulun" mesajını yayır. Bu mesaj demək olar ki, bütün dünyaya çatır. 2019-cu ildən etibarən “Borjomi” loqosu əhəmiyyətli dərəcədə təkmilləşdirilmişdir. Qapaq yenilənir və dizaynda markanın yüksək keyfiyyətini vurğulayan gümüşü rəng görünməyə başlayır. Artıq qablaşdırmanın üzərindəki QR kodu oxudaraq “Borjomi”nin tarixi haqqında məlumat əldə edə bilərsiniz. “Borjomi” zaman keçdikcə daha da çox inkişaf edir, hər zaman müasir insanların tələblərinə cavab verir. Xüsusən də David Komanın dizaynında alüminium qablaşdırmalı "Borjomi" buna sübutdur. Beləliklə, təkcə “Borjomi”nin məzmunu deyil, həm də görünüşü həmişə canlı qalır və yenilənir. Şüşədən butulkaya, bankadan bankaya keçir, formasını dəyişir, amma içindəkilər həmişə eyni qalır - həyat dolu şirin su, yerin dərinliklərindən bir buket mineral.Zövq alın!

Yəqin ki, siz də tez-tez Gürcüstanın nə qədər kiçik olduğunu, lakin buna baxmayaraq müxtəlifliklərlə zəngin olduğunu düşünmüsünüz. O qədər guşələr var ki, onların hər biri öz təbiəti, iqlimi, xarakteri, tarixi, qoxuları və emosiyaları ilə fərqlidir. Ən böyük kontrastlar burada birləşir: dağlar və dəniz, müasirlik və qədimlik, sərt və yumşaq. Gəlin hər guşəni gəzək: Kaxeti - çoxlu fəlakətlərlə üzləşmiş, döyüşkən və şən. Tarixə nəzər saldıqda, Kaxetinin həmişə düşmənləri dəf etdiyini və ölkənin müstəqilliyinin keşiyində dayandığını görürük. Bəlkə də Kaxeti süfrə ənənələri bununla bağlıdır. Döyüşlərdə yorulanlar əylənmək və qələbəni bayram etmək istəyirdilər. Gürcü şərabı dedikdə ilk olaraq Kaxeti bölgəsi yada düşür. Qvevri şərabının hazırlanmasının qədim gürcü ənənəvi üsulu Kaxetidə yaranıb və YUNESKO-nun qeyri-maddi mədəni irsi statusunu alıb. Bu, dünyanın ən qədim şərabçılıq texnologiyalarından biridir. Kaxetinin mərkəzi - Telavi hələ də keçmiş krallığın - ortabablığın, sülhün və gözəlliyin təsiri altındadır. Bura Kaxeti krallığının taxt şəhəri və Gürcüstanın müstəqilliyinin simvolu olan II İraklinin iqamətgahı idi. Tuşeti Gürcüstanın ən əlçatmaz və toxunulmaz, müqəddəs yeridir. Tuşetiyə gedən yol, ekstremal və valehedici peyzajları, mənzərəli dağları və tarlaları ilə özlüyündə bir macəradır. Bu yolda dəniz səviyyəsindən 2345 metr hündürlükdə yerləşən Avropanın ən hündür kəndinə də rast gələcəksiniz. Təsəvvür edin, bütün gün yorğun və adrenalinlə dolu səyahətdən sonra günün sonunda özünüzü sivilizasiyadan təcrid olunmuş və sakit bir vadidə tapacaqsınız. Bu heyrətamiz dağların fonunda siz ləzzətli tuşuri Kotoridən həzz ala və günəş çıxmazdan əvvəl sıldırım qayalardan yığılmış ətirli çayın dadına baxa bilərsiniz. Yəqin ki, alpinistlər Everest baza düşərgəsinə qayıdarkən belə hiss edirlər. Kartli qədim tarix və arxeoloji abidələrin saxlanc yeridir. Qoridən cəmi 10 km aralıda yerləşən Şida Kartlidə sizi heyrətamiz mənzərə gözləyir. Qədim, qayaların üzərində qurulmuş, gözdən uzaq, təyinətı hələ də tədqiqatçılar arasında mübahisə mövzusu olan mistik şəhər. Bir versiyaya görə, Uplissixe kahinlər və onların xidmətçilərinin şəhəri idi. Şəhərin hər yerində bir çox bütpərəst məbədləri, ritual zalları və gizli tunellərə rast gələ bilərsiniz. Uplissixe haqqında çoxlu əfsanələr var. Bir versiyaya görə, bu, hətta müxtəlif ölçüləri bir-biri ilə birləşdirən bir növ portal idi.Belə bir rəvayət də var ki, Uplissixeni kölələr tikiblər, beləki onlar külüngünün bir ucunda qızıl olan alətlə işləyirdilər, alət köhnəldikdən sonra köləyə azadlıq verilirdi, qızıl isə onda qalırdı. Bunun nə qədər zəhmət tələb etdiyini təsəvvür edə bilirsiniz? Kvemo Kartlinin arxeoloji abidələri sizi heç də az təəccübləndirməyəcək. Burada 1991-ci ildə “ilk avropalılar, Zezva və Mziya”nın kəşf edildiyi Dmanisi şəhəri yerləşir! Onlar 1,8 milyon il əvvəl bu ərazidə yaşayıblar. Burada həmçinin onların iş alətləri və vəhşi heyvanları tapılıb. Dmanisi xalqı Afrikadan kənarda yaşayan ən qədim hominidlərdir. Samtsxe-Cavaxeti toxunulmamış meşələrin və təbii su hovuzlarının simvoludur. Bizim sevimli Borjomi də bu bölgəyə aiddir. Avropanın ən böyük milli parklarından biri olan Borjomi-Xaraqauli milli parkı Samtsxe-Cavaxetidə yerləşir. Burada Gürcüstanın flora və faunanın Qırmızı Kitabına daxil edilmiş onlarla ən nadir nümunələri ilə tanış ola bilərsiniz. Borjomi kükürd hovuzları və mineral su yataqları ilə zəngindir. “Borjominin təmiz, canlandırıcı suyu səyahətinə 8000 metr dərinlikdən başlayır və səthə çıxmazdan əvvəl 60-dan çox unikal mineralla zənginləşir. İmereti istedad və qonaqpərvərlik simvoludur! İmeretinin mərkəzində, Kutaisidə YUNESKO-nun Ümumdünya irs siyahısına daxil edilmiş Gelati Monastırı yerləşir.Kutaisi bir çox istedadlı gürcülərin vətənidir. Onların arasında Akaki Tsereteli, Paolo İaşvili, Niko Nikoladze, Zakariya Paliaşvili və başqaları var. Gürcü süfrə ənənələrinin, qonaqpərvərliyinin və bayramlarının simvollarından biri də İmeruli xaçapuridir. Quriya - heyranedici, sevimli və səs-küylü. Quriya gürcü folklorunun nadir nümunələri, o cümlədən misilsiz “Krimançuli” – axıcı, incə və polifonik musiqisi ilə seçilir. Deyirlər ki, quriyalılar həmişə işi və kədəri yüngülləşdirməyə çalışırlar. Ona görə də krimançuli, kanuri və ya naduri oxuyurlar. Quriyalılar təkcə oxumaları ilə deyil, həm də sürətli, şən tempi, eləcə də yumor hissi ilə məşhurdurlar. Quriyaya səyahət edərkən təkcə təbiətə deyil, həm də xalqın şifahi nitqinə heyran qalacaqsınız. Sameqrelo misilsiz gözəl və valehedici yerdir. Sameqrelonun təbiəti Gürcüstanın ən görkəmli təbiətlərindən biridir. Tobavarçxili, Martvili və Balda kanyonlarının əzəmətli gölləri, Kolxeti Milli Parkı, Paliastomi gölü və başqaları burada yerləşir. Yeri gəlmişkən, bir çox səyyah təkcə Sameqrelonun təbiətinin deyil, Meqrel qadınlarının gözəlliyindən də bəhs edib. Aleksandr Dumanın sözlərinə görə, " sarı saçlı qara gözlü və qara saçlı mavi gözlü meqrel qadınları, yer üzünün ən gözəl varlıqlardır." Sameqrelonun mətbəxi şəksiz liderlərdən biridir: meqrel sulqunisi, elarci, gebjaliya, xarço, meqrel ədviyyatları - əsl dad ziyafəti yaradır! Acariya - Gürcüstanın iki ölçüsü. Populyar sualı bilirsinizmi? Nəyə üstünlük verirsiniz: dağlar, yoxsa dəniz? Hər ikisi gözəldir və hər ikisinə Acariya da rast gələ bilərsiniz. Batumi, Qonio, Tsihisdziri, Kvariati - gözəl çimərliklər və heyrətamiz dağlıq Acariya - Xulo, Keda, Beşum və ya Qomarduli... Acariyanın ən yüksək nöqtəsi dəniz səviyyəsindən 3007 metr yüksəklikdə yerləşir. Eyni dağ silsiləsində hətta xizək kurortunun tikildiyi unudulmaz Goderdzi aşırımı yerləşir. Acariyanın inanılmaz yaşıllıqlarından da bəhs edək: Kintrişi, İspani, Maçaxela dərəsi, Mtirala milli parkı və Batumi botanika bağı! Acariyada dörd qorunan ərazi mövcuddur. Svaneti - sarsılmaz, güclü ölkənin xəzinəsidir. Svanetiyə gələrkən, ətrafı əhatə edən nəhəng və sərt dağlar və qüllələr sizi heyran edir, sanki qarşınızda tamamilə fərqli bir dünya açılır. Hər cür təbii fəlakətlərə və düşmən hücumlarına tab gətirmiş Svan qüllələri Svanın unikal simvoludur. İlk baxışdan tutqun və düz, onlar hər kəsə açıq və nəcibdirlər. Məlumatlara görə, düşmənlərin Gürcüstanın müxtəlif bölgələrinə basqınları zamanı Svanetinin müqəddəs yerlərində və qüllələrində müxtəlif əlyazmalar, ikonalar və qiymətli əşyalar gizlədilib. Məhz belə, onlar gürcü mədəniyyətinin xəzinəsinə çevriliblər. Svanlar bu funksiyanı açıq-aydın yerinə yetirdilər, ikonu oğurlayanı icmadan kənarlaşdırdılar və onu Allahın cəzası gözləyirdi. Həqiqətən də Gürcüstanın bütün görməli yerlərini bir bloqa sığdırmaq mümkün deyil. Bu, ölkəmizin unikal xüsusiyyətlərinin kiçik bir siyahısıdır. Biz fəxr edirik ki, Borjomi Gürcüstanı beynəlxalq arenada və bütün dünyada təmsil edir. Bu, hətta Gürcüstanın simvoludur.

Brendlər tez-tez filmlərdə görünür və unudulmaz anlar yaradır, hətta bəzən aktyorların qısqanclığına səbəb olur. “Doktor Pepperin” “Forrest Qamp” filmindəki çıxışının necə yaddaqalan olduğunu xatırlayaq. Bu epizod içkini tamaşaçıların şüurunda əbədi olaraq kult film ilə əlaqələndirdi. Rejissorlar məşhur brendlərdən istifadə etməkdən çəkinmir, filmlərdə təsvir etdikləri reallığı mümkün qədər dəqiq çatdırmağa çalışırdılar. “Borjomi” də istisna deyildi: belə böyük ənənələrə və mədəniyyətə malik brend bir çox məşhur filmlərdə görünür. Onlardan bəziləri sizi həqiqətən təəccübləndirəcək. “Borjomi”nin sovet və postsovet filmlərində görünməsi təəccüblü deyil, lakin hadisələrin uzaq gələcəkdə baş verdiyi sovet elmi fantastikasında əsl sürprizdir. “Solyaris”də Andrey Tarkovskinin solyaristika konfransı səhnəsində stolun üstünə mineral su şüşələri qoyduğunu görmüsünüzmü? Beləki şüşə etiketi aşağı çevrilmiş şəkildə yerləşdirilməli idi, amma rejissorun özünün istəyi ilə ekranda şüşənin üzərindəki etiket göründü, çünki o, “Borjomi”nin gələcəkdə də mövcud olacağına və elmi konfransların süfrələrini bəzəyəcəyinə dərindən inanırdı.  “Solyaris”də “Borjomi”nin görünməsi gözlənilməz sürpriz olsa da, “Mavi dağlarda” filmində bu heç də belə deyil. Soso öz əsərinin oxucusunu axtarmaq üçün nəşriyyatda ora-bura gəzir, işçilər şahmat oynayır və məhz bu anda oyunçulardan biri “Borjomi” şüşəsini götürür. “Mavi dağlarda” daha çox o dövrün reallığını əks etdirir, “Borjomi” də bu reallığın tərkib hissəsi idi. Belə kiçik detallar hər kəsə tanış olan reallıq hissi yaradır. “Mavi dağlarda”dan “Ultimatum Borna” keçid edək. Yəqin ki, siz yaddaşına itirən və özünü axtarmağa başlayan yüksək səviyyəli casus Jason Bourne haqqında eşitmisiniz. Bu yol uzun, təhlükəli və macəralarla doludur, lakin məhz o, qəhrəman Mett Deymonu bir şüşə “Borjomi”yə gətirəcək yoldur. Devid Kronenberq-in "Şərq vədləri" filmində Borjomi Naomi Uotts, Vinsent Kassel və Viqqo Mortensen kimi ulduzlarla birlikdə görünür. Filmdə hadisələr +D22Londonda baş verir və film rus mafiyası ilə bağlı hekayələrdən bəhs edir. Filmdə “Borjomi” ilə yanaşı gürcü aktyoru David Papava da oynayır. "Borjomi" həm də 2003-cü ildə çəkilmiş baş rollarında Kliv Ouen və Anjelina Coli-nin yer aldığı, məzmununda iki əsas personajın dünyanı xilas etməyə çalışdığı "Üfüqün hüdudlarından kənarda" filmində də görünür.“Borjomi”nin bu filmdə necə göründüyü məlum deyil, amma fakt budur ki, kadrda heç nə təsadüfən baş vermir. Terminal  Əminəm ki, Tom Henksi ən yaddaqalan rollarından birində, müharibə səbəbindən hava limanının terminalında ilişib qalmış qondarma “Krako” xalqının vətəndaşı obrazında çoxları görməyib. Bir səhər işçilər yuxudan qalxanda təzəcə yuxudan oyanan qəhrəmanın baş ucunda bir şüşə “Borjomi” görünür, sanki o, krakolu deyil, əsl gürcüdür.  

Bütün dünya dəmir yolları ilə əlaqələndiyi zaman Gürcüstan da istisna deyildi. XIX əsrdə ölkəmizdə dəmir yolu işində yüksəliş başladı. Təəccüblü deyil ki, ən çətin relyefli marşrut əsrin əvvəllərində açılıb. 1902-ci ildə İngiltərədən gətirilən xüsusi parovoz Borjomidən Bakurianiyə yola düşdü. Onun səsi bütün Borjomi vadisini titrətdi. Beləki, bu səs ququ quşunun səsinə bənzəyirdi və buna görə də onu "ququ quşu" adlandırırdılar. Borjomi Bakuriani arasında belə əlaqə yaranırdı. O vaxtdan bəri "ququ quşu" macəranın başlanğıcının simvoluna çevrildi. Bu kiçik qatarda səyahət insanda təəssürat yaratmaya bilməzdi. Bu qatarla səyahət edən hər kəsi yəqin ki, müəyyən emosiyalar birləşdirir. Şam ağacları arasında gizlənən sehrli cığır nağılvari macəranın mükəmməl proloqudur. İki saatlıq yol sizi unudulmaz hekayənin başlanğıcına hazırlayır. Bu sizi gözlənilməzlik aləminə qərq edir. Yeni il şənliyindən gələn dostların “Borjomi” içdikdən dərhal sonra sehrli macəraya düşməsindən bəhs edən “ Borjomi” videoçarxı məhz bu ilhamla yaradılıb. Planladığınız hər şey geridə qaldıqda, planlaşdırılmamış bir şey etməyin vaxtıdır! Möcüzələr belədir, onları əvvəlcədən planlaşdırmaq olmaz, sadəcə onları qəbul etməyə hazır olmaq lazımdır. Qəhrəmanların qəfil peyda olan “Ququ quşu” ilə səyahətə çıxması ilə hekayə bitir. Bu, sanki bizə göstərir ki, əsas olan təyinat nöqtəsi deyil, səyahətin özü, macəradır. Əgər özünüzü daim səyahət etməyə məcbur edə bilirsinizsə, deməli, hər şey yenidir, deməli, hər şey möcüzədir: yaş küçədə əks olunan gecə işıqları, dostun gülüşü, Yeni il enerjisi ilə əhatə olunmuş hava... Beləki, anı yaşamaq və ondan zövq almaq lazımdır. Sizi anı yaşamağa dəvət edirik, bütün əbədiyyət bu anda kilidlidir. Böyük bir həyat axını burada və indi axıb gedir. Nağıl meşəsində gizlənmiş "ququ quşu" kimi axan, bu həyati əhəmiyyətli bayramda iştirak etmək istəyirsinizsə, sadəcə güvənmək və irəli getmək lazımdır. Özünüzü həyat verən enerji ilə doldurun və həyat mənbəyinə çevrilin. Kim bilir? Başqalarının həyatına bir möcüzə kimi daxil ola və onları sehrli bir səyahətə çıxara bilərsiniz.