ქვეყნის წარმატება და წინსვლა წარმოუდგენელია განათლებული საზოგადოების გარეშე. განათლებულ საზოგადოებას აქვს უნარი იზრუნოს სახელმწიფოს მშენებლობაზე, ქვეყნის განვითარებაზე, დოვლათის შექმნასა და გამოყენებაზე, მოსახლეობის კეთილდღეობაზე. განათლებული ადამიანი თავისუფალია&hellip; სწორედ ასეთი ადამიანები ქმნიან წარმატებულ ქვეყანას.
კომპანია IDS ბორჯომი საქართველოს კორპორაციული სოციალური პასუხისმგებლობის პლატფორმის #ბორჯომიმომავლისგულშემატკივარი ფარგლებში, ბორჯომსა და მის შემოგარენში, არსებული სკოლების მოსწავლეთათვის, 2000 წლიდან არსებობს ფრიადოსანთა სტიპენდიები, 2012 წელს კი, ბორჯომში დავაფუძნეთ ტრენინგ ცენტრი, სადაც სკოლის მოსწავლეებს საშუალებას ვაძლევთ მათ მიერ შერჩეული საგნების მიხედვით გაიღრმავონ ცოდნა.
ვთვლით, რომ განათლებაში ჩადებული ინვესტიცია ქვეყნის წარმატების აუცილებელი პირობაა.
&bdquo;ბორჯომის&ldquo; ტრენინგ ცენტრი
&bdquo;ბორჯომის&ldquo; ტრენინგ ცენტრი 2012 წლის დეკემბერში შეიქმნა და ბორჯომის N1 ჩამომსხმელი ქარხნის ადმინისტრაციულ შენობაშია განთავსებული. ის ემსახურება ქალაქსა და მის შემოგარენში მცხოვრებ მოსწავლეებს, რომლებსაც სურთ გაიღრმავონ ცოდნა შემდეგი მიმართულებებით &ndash; უცხო ენები, კომპიუტერული პროგრამები, მათემატიკა, ქართული ენა და ლიტერატურა. გარდა ამისა, ცენტრში არსებობს ხელსაქმის, ხატვის, დრამის, ახალგაზრდა ჟურნალისტების და პიროვნული განვითარების კლუბები. &nbsp;მიღება წელიწადში ორჯერ ხდება. 2015 წლიდან ცენტრში ფუნქციონირებს ერთწლიანი კურსი აბიტურიენტებისათვის.
2012 წლიდან დღემდე, ბორჯომის საგანმანათლებლო ცენტრში დაახლოებით 5000-ზე მეტმა მოსწავლემ და აბიტურიენტმა მიიღო განათლება. აღსანიშნავია, რომ ცენტრის აბიტურიენტები წარმატებით აბარებენ ეროვნულ გამოცდებს.
ცენტრის მთავარი მიზანია, ბორჯომსა და მის შემოგარენში მცხოვრები მოსწავლეებისთვის ხელმისაწვდომი გახადოს ხარისხიანი განათლება; საშუალება მისცეს მომავალ თაობას შეისწავლონ მათთვის საინტერესო საგნები, აიმაღლონ ცოდნა და შეიძინონ დამატებითი უნარები.
&bdquo;ბორჯომის&ldquo; სტიპენდიანტები
IDS ბორჯომი საქართველოს გენერალური დირექტორის გადაწყვეტილებით, ბორჯომსა და მის შემოგარენში მცხოვრებ, წარჩინებულ მოსწავლეებს მარჩენალდაკარგული ოჯახებიდან, 2000 წლიდან დაუწესდათ ყოველთვიური სტიპენდია. სტიპენდიის მიღების უმთავრესი პირობაა უმაღლესი შეფასება ყველა საგანში. ამ ეტაპზე, ჩვენ 14 სტიპენდიატი გვყავს, თუმცა, მათი რიცხვი სისტემატურად იცვლება. კომპანიის მთავარი მიზანია, ხელი შეუწყოს მოსწავლეთა აკადემიური მოსწრების ზრდას და, ხშირ შემთხვევაში, მძიმე სოციალური მდგომარეობის მიუხედავად, შეუნარჩუნოს მათ სწავლის ხალისი. აგრეთვე, წაახალისოს ფრიადოსანი ბავშვები და მათი ოჯახები.

#მომავლის გულშემატკივარი

ნებისმიერი სახელმწიფო ერთხმად აღიარებს, რომ სპორტსმენები და ეროვნული ნაკრებები ქვეყნის სახეს წარმოადგენენ. მათი წარმატება პირდაპირ კავშირშია ქვეყნის წარმატებასა და რეპუტაციასთან. ჩვენ, კომპანია IDS ბორჯომი საქართველო, ვთვლით, რომ სპორტის მხარდაჭერა ხელს უწყობს არა მხოლოდ ქვეყნის რეპუტაციის გამყარებას, არამედ ახალი, მოტივირებული და წარმატებული თაობის აღზრდას. ჩვენი კორპორაციული სოციალური პასუხისმგებლობის პლატფორმის, #ბორჯომისპორტისგულშემატკივარის ფარგლებში, 2011 წლიდან, მხარს ვუჭერთ საქართველოს კალათბურთის ეროვნულ ნაკრებს. უკვე მრავალი წელია ვთანამშრომლობთ საქართველოს რაგბის ფედერაციასთან, 2017 წლის 3 აპრილს კი, საქართველოს სათხილამურო ფედერაციასა და კომპანია &bdquo;ბორჯომს&ldquo; შორის პარტნიორობის მემორანდუმი გაფორმდა.
&bdquo;ბორჯომი&ldquo; და კალათბურთი
კომპანია IDS ბორჯომი საქართველოსა და საქართველოს კალათბურთის ფედერაციას შორის თანამშრომლობის პირველი მემორანდუმი ჯერ კიდევ 2011 წელს გაფორმდა. მას შემდეგ, საქვეყნოდ ცნობილი ბრენდი &bdquo;ბორჯომი&ldquo;, საქართველოს კალათბურთის ნაკრების პარტნიორი და გულშემატკივარია.
ბრენდი &bdquo;ბორჯომი&ldquo;, როგორც საქართველოს საექსპორტო გაყიდვების ფლაგმანი, დიდი პასუხისმგებლობით ეკიდება ქვეყნის საერთაშორისო ასპარეზზე წარმოჩენის საკითხს და თავს ვალდებულადაც კი თვლის, რომ გვერდში დაუდგეს გუნდს, რომელიც ამავე მისიას ემსახურება.
&bdquo;ბორჯომი&ldquo; და რაგბი&nbsp;
პირველი ქართული მინერალური წყალი &bdquo;ბორჯომი,&ldquo; 2023 წელს საქართველოს რაგბის კავშირის გენერალური სპონსორი გახდა. შეთანხმების თანახმად, პირველი ქართული მინერალური წყალი, ბორჯღალოსნების და ყველა ასაკობრივი ეროვნული ნაკრების (20 წლამდე, 18 წლამდე, შვიდკაცა, შვიდქალა) გენერალური სპონსორი და ასევე კლუბ &bdquo;შავი ლომის&ldquo; ოფიციალური მინერალური წყალი გახდა.
თანამშრომლობის ფარგლებში, ხელი შეეწყობა სამცხე-ჯავახეთში რაგბის განვითარებას. კერძოდ რაგბის კლუბ &bdquo;ბორჯომისა&ldquo; და &bdquo;ასპინძის&ldquo; მორაგბეებისთვის გაუმჯობესდება ინფრასტრუქტურა, სავარჯიშო პირობები და ხელი შეეწყობა რაგბის პოპულარიზაციას.

#სპორტის გულშემატკივარი 

ჩვენი პლანეტის ეკოლოგია სულ უფრო და უფრო დიდი საფრთხის ქვეშ არის. დაბინძურებული ჰაერი, ტემპერატურის მკვეთრი ზრდა, წყლის ინტენსიური აორთქლება, ხშირი გვალვა, ღვარცოფები, მეწყერები და წყალდიდობები, მწვანე საფარის განადგურებით არის გამოწვეული. დღესდღეობით, კლიმატის ცვლასთან ბრძოლის ერთ-ერთი ყველაზე ეფექტიანი გზა სწორედ მწვანე საფარის აღდგენა, შენარჩუნება და გაშენებაა.
ჩვენ, კომპანია IDS ბორჯომი საქართველო, მაღალი სოციალური პასუხისმგებლობით ვეკიდებით ქვეყნის ეკოლოგიური მდგომარეობის გაუმჯობესების საკითხს, ვცდილობთ ჩვენი წვლილი შევიტანოთ ამ საქმეში და მომავალ თაობას ჯანსაღი გარემო დავუტოვოთ.
ბორჯომის ტყე-პარკის მწვანე საფარის აღდგენა
კომპანია IDS ბორჯომი საქართველო, 2012 წლიდან, ბორჯომის ტერიტორიაზე, მწვანე საფარის აღდგენის მიზნით, ახორციელებს ხეების დარგვის პროექტს. ამ დრომდე კომპანიამ პროექტის #ბორჯომიბუნებისგულშემატკივარი ეგიდით, ბორჯომის პლატოს ტერიტორიაზე, მუხის, ნეკერჩხლის და ფიჭვის 25 000-ზე მეტი ნერგი დარგო და აღადგინა 5 ჰექტარი მიწის ფართობი. ხეების დარგვის აქცია პერმანენტულია და წელიწადში ორჯერ &ndash; გაზაფხულსა და შემოდგომაზე იმართება.
კომპანიის მთავარი მიზანია ბორჯომის ეკოლოგიური მდგომარეობის გაუმჯობესება, ტყის საფარის სწრაფი და ეფექტური აღდგენა.
&nbsp;

#ბუნების გულშემატკივარი

სოციალური პასუხისმგებლობა

კომპანია IDS ბორჯომი საქართველო მაღალი კორპორაციული სოციალური პასუხისმგებლობის მქონე კომპანიაა.
პლატფორმის #ბორჯომიგულშემატკივარი ფარგლებში, გავაერთიანეთ სამი ძირითადი მიმართულება: განათლება, სპორტი და ბუნება და გავხდით მათი გულშემატკივრები.
ჩვენთვის პრიორიტეტი არის სამცხე-ჯავახეთი და ვცდილობთ, მნიშვნელოვანი წვლილი შევიტანოთ ამ რეგიონის განვითარებაში.

იპოვე შენი ხე