130 illik tarixə malik olan “Borjomi” mineral suyu yuvenil və ya ibtidai suyun kəşf tarixini diqqətə alan yeni kampaniyaya başlayır.

Videoçarxda ovçular tərəfindən yaralanan maralın bənzərsiz “Borjomi” suyu ilə sağaldığı “Borjomi” əfsanəsindən bəhs edilir.

Canlı su, canlı əfsanə - yeni kommunikasiyanın əsas mesajı budur, çünki bu su bədəni, zehni və ruhu canlandırır.

İrina Keydiya, “Borjomi”nin brend meneceri:
“Əfsanəvi gürcü mineral suyu “Borjomi”nin kifayət qədər ambisiyalı qlobal planları var, biz dünyanın bir çox ölkələrində ixrac bazarlarında inkişaf edirik, ona görə də yeni kommunikasiyada biz “Borjomi” nin gürcü mənşəyinə və unikal xüsusiyyətlərinə diqqət yetirmək qərarına gəldik. Məhz buna görə biz yuvenil suyun kəşfi hekayəsindən istifadə etdik. Qeyd etmək lazımdır ki, yeni reklam çarxının təqdimatı əvvəlcə Gürcüstanda baş tutacaq, sonra isə dünyanın digər ölkələrində yayımlanacaq”.

Video klip Avropanın Virtue yaradıcılıq agentliyi tərəfindən Gürcüstanda, xüsusən də Borjomi dərəsində, Martvili kanyonunda, inanılmaz Prometey mağarasında və Tbilisidə çəkilib. Videonun baş qəhrəmanı model Lika Riqvava, dizayneri İka Boboxidzedir. Nağılvari atmosferdə brend bizi bəstəkar Nikoloz Raçveli və milli simfonik orkestr tərəfindən xüsusilə “Borjomi” üçün yaradılmış musiqi fonunda Gürcüstanın ecazkar yerlərinə aparır.

Nikoloz Raçveli, bəstəkar:

“Borjomi ilə bağlı çoxlu maraqlı xatirələrim var ki, bu da iş prosesini mənim üçün xüsusilə emosional etdi. Əsas məsələ bir neçə saniyə ərzində milli kimliyimizi nümayiş etdirmək idi. İstəyirəm ki, dünyanın istənilən ölkəsində yaşayan insanlar videoya baxdıqdan sonra təkcə “Borjomi” deyil, “Borjomi”nin vətəni kimi bütün Gürcüstan haqqında təsəvvürə malik olsunlar. Musiqi əsərinin birinci epizodunda mən Lela Tataraydzenin “Samşoblo” (“Vətən”) mahnısından bir hissə istifadə etdim və artıq ikinci hissəni xüsusi olaraq “Borjomi” üçün yaratdım, musiqinin simfonik hissəsi Gürcüstan milli simfonik orkestri tərəfindən qeydə alınıb.

Videoklipdə bədii elementlərdən və gürcü simvolikasından istifadə olunub. Gürcüstan bayrağında da təsvir olunan Bolnisi xaçının forması əsasında xüsusi ornamental simvol yaradılmışdır. Ornamental simvol “Borjomi” bulağını, gürcü kimliyini və Borjominin simvolu kimi maralı birləşdirir. Beynəlxalq bazarlarda brendin gürcü kimliyini daha da vurğulamaq üçün  “Borjomi”nin kommunikasiya tipoqrafiyasını gürcü Mhedruli şriftini müxtəlif ölkələrin şriftləri ilə birləşdirir.

“Borjomi”nin yeni reklam çarxı bu gündən Gürcüstan televiziyasında yayımlanacaq, daha sonra Avropa, Mərkəzi Asiya və ABŞ-da yayımlanacaq.

Uzunmüddətli tədqiqatlar göstərir ki, Borjomi 60-dan çox faydalı mineral ehtiva edən yuvenil mənşəli sudur. Suyun unikal tərkibi və faydalı xüsusiyyətləri yeni kampaniyanın əsasını təşkil edib.